Politike
‘Rama tersi i madh i kuqezinjve’/ Berisha i kundërpërgjigjet kryeministrit: Kombëtarja sonte do…
![](https://ntv.al/wp-content/uploads/2024/06/berisha-16.jpg)
Përmes një postimi ne rrjetin social “Facebook”, kreu i Partisë Demokratike, Sali Berisha, ka reaguar lidhur me ndeshjen Shqipëri- Spanjë, duke shkruar se Rama është tersi i kuqezinjve, i njohur tashmë dhe ndërkombëtarisht.
Teksa ka reaguar lidhur dhe me deklaratën e Ramës, të cilën e cilëson një thikë pas shpine për ekipin tonë kombëtar dhe fansat e tij kuq e zi në prag të ndeshjes.
Postimi i plotë:
“Të dashur miq, sot kombëtarja jonë ka ndeshjen e madhe të saj me kombëtaren e Spanjës.
Edi Rama tersi i madh i kuqezinjve tanë, tashmë i njohur dhe ndërkombtarisht si i tillë, deklaron se sot rezultati është në plan të dytë, por koka lart në plan të parë.
Kjo dekleratë disfatisti e pazarexhiu është një thikë pas shpine për ekipin tonë kombëtar dhe fansat e tij kuq e zi në prag të ndeshjes. Vërtetë ndeshja me Spanjën është ndër më të fortat, por për një ekip të fortë dhe dinjitoz si i yni rezultati nuk mund të jetë kurrë në plan të dytë as dhe fatalitet i paracaktua. Sot kombëtarja jonë do bëj historinë! Fitore. #sb”, shkruan Berisha.
![](https://ntv.al/wp-content/uploads/2022/08/LogoWeb.2-e1644580268739.png)
![](https://ntv.al/wp-content/uploads/2023/12/OledroHot.gif)