‘Range Rover’ të vjedhur brenda kamionit me makina luksoze

ITALI- Një kamion i ngarkuar me makina luksoze që do të nisej drejt Shqipërisë i është nënshtruar një kontrolli të imtësishëm nga autoritetet italianë në Ankona. Mediat vendase bëjnë me dije se brenda janë gjetur dy mjete tip ‘Tange Rover’ të vjedhur.  Duke shqyrtuar dokumentet shoqëruese policia ka konstatuar parregullsi. Kontrollet më të thelluara kanë nxjerrë në dritë se numri i shasisë ishte ndryshuar.

Pas identifikimit të numrave realë të shasisë, u bë e mundur të gjurmohej identifikimi i saktë i makinave, zhdukja e të cilave ishte raportuar disa ditë më parë. Pronarët aktualë, të cilët po tentonin t’i transferonin në Shqipëri, u denoncuan për pastrim parash dhe posedim dokumentacioni fals, ndërsa dy makinat u sekuestruan në cilësinë e provës materiale.