RECETA E BELLINGHAM/ Mesfushori i Real Madrid në hapat e “Galaktikëve”

Është duke kaluar një moment fantastik, që prej kalimit në “Santiago Bernabeu” për shumën e 100 milionë eurove nga gjermanët e Dortmund. Po flasim për njeriun e momentit te “Galaktikët”, Jude Bellingham, i cili po impresionon të gjithë me formën e mrekullueshme, ku golat e tij vendimtarë nuk mungojnë, veçanërisht në atë Klasike të fituar me Barcelonën ku dopieta e tij përmbysi golin e Gundogan.

Në një intervistë për Amazon Prime Italia, djaloshi magjik anglez ka treguar pak nga sekretet e tij se përse po dallon kaq shumë te Real Madrid, skuadër në të cilën po justifikon çdo qindarkë të investuar. Shifrat e tij në muajt e parë në Madrid janë të vështira për t’u shpjeguar me pak fjalë. Mesfushori ka qenë në gjendje të “djegë” fjalorin e termave superlativë në adresën e tij sepse në mendjen e tij ka vetëm një ide, të vijojë të ndërtojë një rrugëtim drejt lavdisë me natyrshmëri dhe me një personalitet për t’u pasur zili. Në fushë ai është një bishë e vërtetë, i pamundur për t’u kontrolluar, nuk lë asnjë centimetër të fushës së lojës pa prekur.

Larg fushës ai ka sjellje të pazakontë për dikë të moshës së tij, 20 vjeç, kur vjen puna për të parë tifozët, për sjelljen me mediat dhe përçimin e disa vlerave që e kanë bërë atë të kthehet në një idhulli për tifozët e Realit të Madridit. Bellingham ka një stil të veçantë, por ai ka ditur të mbledhë dhe bashkojë të gjitha të mirat që i kanë bërë unike disa legjenda të skuadrës së bardhë si Zidane, Cristiano, Raul, Beckham dhe Ronaldo braziliani. Rezultati, i cili dukej si një mision i pamundur, ka përfunduar duke e transformuar numrin 5 aktual të Realit në versionin më të ngjashëm me atë të një “Galaktiku total”.

Ai flet anglisht, gjermanisht dhe ka nisur të mësojë spanjisht sepse siç e ka shpjeguar tashmë që në ditën e tij të parë i veshur me të bardha, në të gjitha udhëtimet, qofshin të gjata apo të shkurtra, njeriu fillon të ngarkojë valixhen e tij me përvoja kulturore për zhvillimin e tij.

“Unë mendoj se është e rëndësishme të njohësh një kulturë të re dhe ta thithësh atë. Do të doja të shijoja jetën dhe stërvitjen”. Gjesti i tij i fundit në “Santigo Bernabéu” pas golit të Hoselut (festoi me spanjollin aq shumë të kritikuar) është shembulli i përsosur i të qenit një lider, një lojtar i pjekur vetëm 20 vjeç. Ai zotëron në mënyrë të përsosur gjithçka emocionale dhe është i aftë të kontrollojë të gjitha detajet që rrethojnë ekipin.

Cilësitë e Zidanes nuk i mungojnë dhe kjo vihet re dhe në goditjet e suksesshme nga distanca që kthehen në predhë të pandalshme për portierët.

Ndoshta në futboll asgjë nuk është rastësi. Në mes të një “tornadoje” mesazhesh që nuk ndalojnë së krahasuari Xhud Bellingamin me Zinedin Zidanin, mesfushori anglez debutoi duke pasur veshur në këmbë një kopje të modelit “Adidas Predator” me të cilin idhulli i tij (Zidan) shënoi golin legjendar në finalen e Glasgout kundër Leverkusenit.

Jude nuk e kishte problem të zgjidhte në shpinë numrin 5.  Ai kërkoi topin në ditën e prezantimit të tij dhe iu deshën disa muaj për të vërtetuar se është versioni më i ngjashëm me ish-futbollistin francez. Bellingam veshi këpucët e zeza me llapën e kuqe dhe linjat e bardha “Adidas” për të nxjerrë në pah një elegancë unike në çdo hap të tij. “Është e vështirë të krahasosh dy breza të ndryshëm.

“Bellingam befason çdo ditë, çdo ndeshje. Jo vetëm ne, por për të gjithë. Bellingam është një dhuratë për futbollin”, shprehet i impresionuar trajneri i tij Ancelotti.

Me golin e tij të 15-të kundër Napolit, Bellingham ka shënuar tashmë tre gola më shumë se Zizu në fushatat e tij më të mira në Madrid. Ai mbeti me 12 në sezonet 2001-02 dhe 2002-03. Zidane, i cili ishte në tribunë duke parë ndeshjen kundër Napolit, mundi të shijonte paraqitjen e fundit të futbollistit anglez.