Receta e Donikës/ Gërvalla: Nuk lejojmë një tjetër ‘Republika Srpska’

Ministrja e Punëve të Jashtme e Kosovës, Donika Gërvalla-Schwarz, beson se njohja e plotë ndërkombëtare e pavarësisë së Kosovës do të ishte një sinjal për nacionalistët në Serbi se destabilizimi i fqinjëve si: Bosnja e Hercegovina, Mali i Zi dhe Maqedonia e Veriut nuk është recetë për sukses.

“Njohja e Kosovës do të ishte një kontribut i madh, madje historik për stabilitetin dhe paqen”, tha shefja i diplomacisë kosovare

Ajo ka kujtuar gjithashtu se “Asociacioni i komunave serbe” bie ndesh me nenin 23 të Kushtetutës së Kosovës.

E pyetur se cili është pozicioni aktual ndërkombëtar i Kosovës, veçanërisht nga aspekti i vazhdimit të fushatës së Serbisë për tërheqjen e njohjes së Kosovës si shtet dhe anëtarësimin në Kombet e Bashkuara, Gervalla foli për një lloj propagande nga Beogradi dhe se “anëtarësimi i Kosovës në OKB nuk varet vetëm nga Serbia”.

Për shefen e diplomacisë kosovare, Perëndimi duhet të ndalojë së shituri iluzione dhe duhet të zhvillojë një strategji realiste, por jo duke vënë baste për Vuçiçin dhe Putinin, por duke iu përshtatur shpejt epokës së re