Rëndohet tragjedia e aksidentit në Tiranë, vdes edhe i plagosuri i shtruar në spital

Thellohet tragjedia e aksidentit të rëndë rrugor të ndodhur mbrëmjen e 21 korrikut 2023. Fuoristrada tip ‘Range Rover’ në të cilën udhëtonin dy persona ra në humnerë në fshatin Fortuzaj të Tiranës. Denis Çali, 33 vjeçari i cili mbrëmjen e djeshme u dërgua në spital mësohet se ka ndërruar jetë mëngjesin e sotëm. Ndërkohë është identifikuar dhe viktima tjetër. Burimet bëjnë me dije se është i moshës 26 vjeçare

“Në vijim të aksidentit të ndodhur në fshatin Fortuzaj, ku një automjet ka humbur kontrollin dhe ka dalë nga rruga, ju informojmë se të dy shtetasit që ndodheshin në automjet, B. Gj., 26 vjeç, dhe D. Ç., 33 vjeç, kanë ndërruar jetë” informoi sot policia

Lajmi ne perditesim…

Denis Çali dhe  Brusild Gjyla janë dy të rinjtë që humbën jetën tragjikisht kur makina në të cilën udhëtonin ka rënë në humnerë në fshatin Fortuzaj të Tiranës.

Nga informacioni i policisë Brusild Gjyla 26-vjeçar ka humbur jetën në vendin e ngjarjes, ndërsa Denis Çali, 33 vjeç u plagos dhe u transportua në spitalin e Traumës, por gjatë orëve të natës nuk ka mundur t’u mbijetoj plagëve të rënda.

Ndërkohë një mik i tij publikon mesazhin e fundit që kishte shkëmbyer me Denisin pikërisht disa orë para aksidentit të rëndë.