Reperi amerikan Snoop Dogg në Londër nën mbrojtjen e shqiptarëve

Reperi dhe aktori i njohur amerikan, Snoop Dogg emri i vërtetë Calvin Cordozar Broadus, gjatë vizitës në Londër është marrë në ruajtje nga një grup shqiptarësh. Në disa foto të publikuara sot, shihet se reperi me famë botërore ecën në rrugët e Londrës nën shoqërimin e rreptë e konstant të katër shqiptarëve. Gjatë udhëtimit me makinë drejt një restoranti në zonën Soho të Londrës Snoop Dogg shihet duke bërë shqiponjën simbolin e shqiptarëve. Gent Dedei, i cili drejtoi të gjithë mbrojtjen e Snoop Dogg, thotë se nuk ishte e lehtë por jo e pamundur t’i siguronin ruajtjen për vetë profilin që ai ka. Ndërsa shtatlarti nga Burreli, emigrant prej shumë vitesh në Londër, Skënder Leka tregon se ishte vlerësim për shqiptarët që punojmë në industrinë e sigurisë të shoqëronim gjatë disa ditëve, një person VIP siç është artisti amerikan me famë botërore Snoop Dogg. Prej vitit 1998 kur shqiptarët mbërritën masivisht në Angli një numër i madh prej tyre nisën të punonin si “doorman” roje sigurie në lokalet e natës madje edhe në ato ndër më të njohurat. Me kalimin e viteve shumë shqiptarë kanë ngritur kompaninë e tyre të sigurisë qoftë për mbrojtje personash VIP apo duke punësuar madje edhe anglezë në ruajtjen e lokaleve të natës apo objekteve.