Rradha e Iranit/ Donald Trump dërgon nënën e të gjitha bombave në Izrael

Pas “ëndrrave për Gazën” të Trump, Lindja e Mesme mbetet në fokus ndërkombëtar! Presidenti i SHBA-së, Donald Trump sapo kishte paraqitur një plan historik për marrjen e mundshme të Rripit të Gazës nga SHBA, në mënyrë që të ndërtojë resorte luksoze në tokën për palestinezët e zhvendosur. Por Irani gjithashtu vihet menjëherë nën kritika nga republikani, i cili është shumë i guximshëm në mandatin e tij të dytë në detyrë!

Menaxheri i krizave i Trump për Lindjen e Mesme, Steve Witkoff njoftoi se ai do t’i dorëzonte Izraelit një nga sistemet më të fuqishme të armëve jo-bërthamore: Pentagoni do të dërgojë bomba të mëdha prej njëmbëdhjetë tonësh, tha Witkoff, me të cilat mund të shkatërrohen edhe bunkerët e thellë.

Bombat më të fuqishme ajrore konvencionale quhen “Massive Ordnance Air Blast” (MOAB) dhe njihen me nderim si “nëna e të gjitha bombave”.

Sinjali është i qartë: ushtria izraelite mund ta përdorë atë për të sulmuar objektet nëntokësore të pasurimit të uraniumit të Iranit për të prodhuar lëndë të para për armët bërthamore.

Dërgesat e planifikuara shihen gjithashtu si një sinjal i drejtimit të ardhshëm të konfrontimit të Izraelit me Teheranin. Mega-bombat ishin në listën e dëshirave të izraelitëve që nga fillimi i viteve 2000, por çdo president që nga George W. Bush deri te Joe Biden i kishte refuzuar eksportet. Madje edhe Trump në mandatin e tij të parë.

Prandaj, analistët ushtarakë kanë gjykuar se ushtria izraelite nuk ka pasur ende kapacitete të mjaftueshme për të shkatërruar programin bërthamor të Iranit. Sipas shërbimeve sekrete, në raste ekstreme, Irani mund të bëhet një shtet me armë bërthamore që në fillim të këtij viti.

Në çdo rast, Trump pritet të marrë një kurs të ashpër kundër Teheranit. Kjo gjithashtu edhe për shkak të raporteve të besueshme se Garda Revolucionare e Iranit kishte kurdisur një komplot vrasjeje kundër tij. “Nëse do ta bënin këtë, do të fshiheshin,” tha Trup. Kryekomandanti, i pyetur në Zyrën Ovale, e bëri të qartë se çfarë pritej nëse do t’i ndodhte diçka: “Kam lënë udhëzime, nuk do të mbetet asgjë!” (BILD)