Rrëshqitja e dherave në Kinë, shkon në 21 numri i viktimave

Të paktën 21 persona kanë humbur jetën nga një rrëshqitje dheu në provincën Shaanxi të Kinës veriperëndimore dhe gjashtë persona janë të zhdukur. Kina aktualisht po përballet me reshje jashtëzakonisht të larta për këtë sezon, sipas të dhënave të fundit zyrtare.

Një përmbytje malore ka ndodhur në orën 18:00 me orën lokale të premten në fshatin e vogël Weziping, pranë qytetit të Xi’an, kryeqyteti i provincës Shaanxi. “Gjashtë persona janë ende të zhdukur” pas kësaj tragjedie, tha Byroja e Menaxhimit të Emergjencave të kryeqytetit provincial Xi’an.

Shirat shkaktuan një rrëshqitje dheu që “përfshiu dy shtëpi” dhe “dëmtoi rrugë, ura, furnizim me energji elektrike dhe infrastrukturë tjetër”, tha më herët radio shtetërore CNR . Sipas shifrave të fundit të publikuara të premten, të paktën 78 persona kanë vdekur.

Two people are confirmed dead and 16 others are missing after torrential rains caused a rock and mud slide in the suburbs of Xi’an, northwest China’s Shaanxi Province, on Friday evening. pic.twitter.com/lAfoLT2Ey9

— China Xinhua News (@XHNews) August 12, 2023