Rreth 70 të vdekur në 24 orët e fundit në trekëndëshin Liban-Gaza-Izrael

Luftimet e 24 orëve të fundit në shkallë të gjerë (1-2 Tetor) kanë shkaktuar rreth 70 të vdekur në Liban, Gaza dhe Izrael.

Ky i fundit u godit nga dy sulme terroriste në Jaffa dhe Tel Aviv, ku mbetën të paktën 8 të vrarë. Po kështu 55 viktima dhe 156 të plagosur u raportuan nga fronti i luftës në Liban.

Irani pretendon se e ka përfunduar sulmin e tij kundër Izraelit, pas lëshimit të rreth dyqind raketave mbrëmjen e djeshme.
Por një kërcënim tjetër vjen nga Teherani:

“Gati për një përgjigje më të fuqishme në rast hakmarrjeje”.

Një shkollë në Gaza u godit gjithashtu:

“Ishte një bazë e Hamasit”, njoftoi IDF.

U raportua për të paktën 6 të vdekur.

Ndërkohë, nga Izraeli vazhdojnë inkursionet tokësore drejt Libanit jugor. IDF u shpreh se avionët e tij luftarakë do të vazhdojnë të godasin “me forcë” në orët e ardhshme “në Lindjen e Mesme”.

“Forca Ajrore vazhdon të operojë me kapacitet të plotë dhe sonte ne do të vazhdojmë të godasim me forcë në Lindjen e Mesme siç kemi bërë për një vit”, tha kundëradmirali Daniel Hagari, zëdhënës i ushtrisë izraelite, në një deklaratë pasi Irani sulmoi Izraelin.

Tel Avivi konfirmoi se Irani lëshoi mbrëmë (1 Tetor) 200 raketë në drejtim të tyre.

Në 24 orët e fundit nga sulmet izraelite në të gjithë Libanin janë vrarë 55 persona dhe janë plagosur 156. Këtë e ka bërë të ditur Ministria e Shëndetësisë e Bejrutit, cituar nga mediat.

Garda Revolucionare e Iranit tha se sulmi me raketa ndaj Izraelit ishte në përgjigje të vrasjes së kreut të Hezbollahut, Hassan Nasrallah, javën e kaluar, si dhe të liderit të Hamasit, ndërsa kërcënoi se do të kryente “sulme shkatërruese” nëse Izraeli do të përgjigjej. Irani ka kërcënuar se nëse Izraeli do vijojë luftimet, “do e kthejnë në hi”.