Rruga me kthesa që i duhet Kosovës për të kënaqur dyshen SHBA-BE

Nga Wolfgang Petriç

Ish i dërguari special i BE-së për Kosovën, Wolfgang Petriç, tha se duhet të mendohet për një format të ri të dialogut ndërmjet Kosovës dhe Serbisë, pasi tani dialogu është në gjendje të vështirë.

Ai ka theksuar edhe ndikimin e zgjedhjeve amerikane në Kosovë, duke thënë se ka përshtypjen se kushdo që fiton do të ketë një politikë tjetër ndaj Kosovës dhe ka shtuar se ka përshtypjen se Uashingtoni po e humb durimin dhe nuk e përkrah Prishtinën si më parë.

Petriç tha se viti 2024 nuk është vit i mirë për normalizimin e marrëdhënieve ndërmjet Beogradit dhe Prishtinës.

“Më duhet të them se ka disa arsye, arsye të jashtme: zgjedhjet në Bashkimin Evropian, zgjedhjet e ardhshme në Shtetet e Bashkuara. Ka faktorë të tjerë që ndikojnë në dialog, natyrisht, lufta në Ukrainë, agresioni rus, lufta në Gaza, Izraeli. Pra, keto janeshqetësimi i komunitetit ndërkombëtar dhe po fokusohet politikisht në këto zhvillime shumë të rrezikshme” – deklaroi Wolfgang Petriç

Siç u shpreh ai, kur është fjala për anën teknike, amerikanët sapo kanë emëruar një të dërguar të ri special për Kosovën dhe rajonin, ndërsa evropianët ende kanë Miroslav Lajçakun, por edhe ai eshte duke ikur.

Duke thënë se dialogu dha rezultate në vitin e parë dhe se ajo që është arritur duhet të merret parasysh, Petriç u shpreh se duhet të ketë një përpjekje të re, një strategji të re se si të avancohet bazuar në arritjet e viteve të fundit, dhe shtoi se bazë për përparim duhet të jetë marrëveshja e arritur në Bruksel vitin e kaluar, si dhe në Ohër.

Petriç është i bindur se administrata e re amerikane, si dhe administrata e re e Bashkimit Evropian, do të bëjnë një hap të mëtejshëm drejt zgjidhjes së normalizimit të marrëdhënieve.

Kur krahasojmë situatën ndërkombëtare të Serbisë dhe Kosovës, siç theksoi Petriç, vërehet se në fakt Serbia po përparon në aspektin e iniciativave ekonomike, në aspektin e mbështetjes që marrin nga Gjermania dhe Franca, nga njëra anë. Nga ana tjetër, kemi Prishtinën, qeverinë e Albin Kurtit, e cila disi e humbi mbështetjen e Gjermanisë dhe Francës, kur flasim për Këshillin e Evropës.

“Përshtypja ime është se në vend që të stabilizojë dhe zgjerojë sovranitetin e tij, Kosova po e humb atë për shkak të një politike që nuk është mjaft fleksibël, jo mjaftueshëm pragmatike dhe nuk prodhon rezultate ekonomike” – potencoi Petriç.

Ish i dërguari special i BE-së për Kosovën, Wolfgang Petriç, I pyetur se sa i ka dëmtuar Kosova marrëdhëniet e saj me bashkësinë ndërkombëtare për shkak të veprimeve të deritanishme në veri të Kosovës, tha se për momentin dihen masat e marra nga Bashkimi Evropian dhe se e ardhmja e Kosovës do të përcaktohet nga kush do të jetë presidenti i ardhshëm i SHBA.

“Nëse presidenti Donald Trump kthehet, kam frikë se do të ketë një politikë tjetër ndaj Kosovës. Nëse kandidati demokrat fiton, mendoj se do të ketë ndryshime, sepse Uashingtoni po e humbet durimin. Kjo është përshtypja ime. Nuk ka më mbështetje si dikur ka qenë per Kosoven.

“Amerikanet thonë – ne dërguam ushtarët tanë, avionët tanë në vitin 1999 për të siguruar Kosovën, kjo ndodhi një çerek shekulli më parë dhe ne prisnim që rajon i krizës, Ballkani Perëndimor, të ishte paqësuar. Po shohim përparim vetem në vendet fqinje, siç është Maqedonia e Veriut apo edhe Mali i Zi” – deklaroi Petriç qe gjithashtu beson se qeveria e Albin Kurtit po e humb mbështetjen.

“Përkrahja, natyrisht, është ende e madhe, por mendoj se disi Perëndimi, veçanërisht Evropa, pret që Kurti të tregojë më shumë fleksibilitet dhe të shkojë një hap më tej drejt serbëve, komunitetit serb në Kosovë. Mendoj se kjo është shumë e rëndësishme. Dhe Kosova do të jetë sovrane dhe e pavarur kur të arrijë një marrëveshje historike dhe kompromis me popullsinë dhe qytetarët e saj serbë” – theksoi Petric duke shtuar se në afat të gjatë është e mundur të gjendet një kompromis historik me qytetarët e Serbisë, pra edhe me Beogradin dhe se kjo gje eshte parakusht absolut për një të ardhme të mirë të Kosovës. Ai po ashtu theksoi se fakti që Beogradi ende ka ndikim në komunitetin serb në Kosovë, kjo e dëmton procesin.

Duke thënë se Serbia ka simpati të madhe dhe tradicionale për Rusinë, Petriç deklaroi se nga ana tjetër, Perëndimi e di se duhet ta mposhtë Serbinë per te mbrojë të gjithë Ballkanin nga ndikimi rus.

“Prandaj, ka deficite në demokraci në disa vende atje, përfshirë Serbinë. Por, nga ana tjetër, lidhjet ekonomike janë të rëndësishme. Sepse litiumi është një material shumë i rëndësishëm dhe i rrallë për të ardhmen e Evropës, e cila natyrisht, ka interes që ta mbajë afer Serbinë apo ta afrojë me Bashkimin Evropian”  – u shpreh Petriç duke potencuar se një vend i vogël si Kosova ka nevojë për mbështetjen e miqve dhe aleatëve në Perëndim.