Rrugë tjetër nuk ka/ Deklarata e Borrell

Përfaqësuesi i Lartë për Politikë të Jashtme dhe Siguri i Bashkimit Evropian, Josep Borrell, tha se zbatimi i shpejtë dhe i plotë i të gjitha marrëveshjeve të arritura në dialogun ndërmjet Beogradit dhe Prishtinës është e vetmja rrugë për normalizimin e marrëdhënieve.

“Tensionet dhe provokimet e ndërsjella duhet të marrin fund. Mungesa e konstruktivitetit duhet korrigjuar. Të jesh anëtar i BE-së do të thotë se je në gjendje të bashkëpunosh dhe të veprosh si fqinjë i mirë, për të kapërcyer vështirësitë e së kaluarës”  – deklaroi Borrell tha pas takimit të Këshillit të  Ministrave të Jashtëm të Bashkimit Europian

Përfaqësuesi i Lartë i Unionit u shpreh gjithashtu se BE zhvilloi një takim me ministrat e vendeve të Ballkanit Perëndimor dhe vuri në dukje se “ndoshta ata duhet ta bëjnë këtë më shpesh”.