Rusia shantazhon Daçiç, shkërmoqet koalicioni qeverisës në Serbi

Partia Socialiste e Serbisë, respektivisht lideri i saj Ivica Daçiç, është shantazhuar nga Rusia dhe nuk guxon të përkrahë propozimin franko-gjerman për zgjidhjen e çështjes së Kosovës. Ky është edhe shkaku i tensioneve mes tij dhe presidentir serb Aleksander Vucic

Kështu shkruan gazeta serbe “Danas” teksa ka përmendur një burim diplomatik për lajmin e përçarjes aktuale mes partnerëve në koalicionin qeverisës. (Partia Përparimtare Serbe) SNS dhe (Partia Socialiste Serbe) SPS.

Sherri i ri mes dy forcave politike është shkaktuar nga kushti i Rusisë ndaj Partisë Socialiste të Serbisë që të vazhdojë të mbajë distancë nga propozimi evropian për Kosovën.

“Nuk duket se gjithçka do të zgjidhet shpejt, duke parë se deri ku kanë shkuar zënkat” – shkruan ‘Danas’

Ndërkaq, burimet e kësaj gazete thonë se Ivica Daçiç, duke mos patur rrugë tjetër, është i detyruar të dorëzohet prej presionit të presidentit serb. Megjithatë Danas thekson se ‘pazari’ mbetet i rëndë pasi, siç Vuçiç mban në grusht Daçiç, po ashtu këtë të fundit e mban edhe Rusia, dhe sipas gazettes serbe, Kremlini me siguri ka dosje komprometuese për Daçiç.

Partia Socialiste e Serbisë sigurisht merr para nga Federata Ruse, përveç faktit të qartë se partia financohet edhe burimeve të naftës në Serbi.

Kujtojmë se, duke folur për problemet që ka me Partinë Socialiste të Serbisë, Vucic e krahasoi atë parti me pjesën e djathtë dhe nacionaliste të opozitës, të cilët janë rreptësisht kundër zgjidhjes evropiane për Kosovën. DMë 7 shkurt, presidenti serb pati një takim kokë më kokë me Daçiç dhe për mediat, prej tij u konfirmua pastër e qartë fjala ‘Krizë’.

Sipas Vuçiç, zgjedhjet e reja nuk janë zgjidhje, sepse siç tha ai “Serbia ka shumë probleme për të zgjidhur”. Ai shtoi gjithashtu se vendimet nuk do të merren brenda natës dhe se do të takohet me Daçiç edhe më 8 shkurt.

“Personalisht nuk kam besim për zgjidhjen e krizës.Vendi është më i rëndësishëm se marrëdhëniet personale. Por, tani e dimë se në kohë të vështira mund të mbështetemi vetëm në veten tonë”, tha Aleksander Vucic.