Connect with us

Politike

Salianji nuk përmbahet, kërcënon analistin: Ore pusho se do të rraf, mbylle…

Deputeti i Partisë Demokratike, Ervin Salianji u shpreh se  Edi Rama po tenton të manipulojnë votat për zgjedhjet e 14 majit.

I ftuar në Syri tv, ai paralajmëroi se nëse dikush prek votat në Kavajë, aty ku Salianji po bën fushatë për kandidatin e koalicionit “Bashkë Fitojmë” do të digjet.

“Tani Rama po bën klounin tallagan dhe nuk po bën asnjë premtim për njerëzit, pasi votat i deformon dhe kërkon të manipulojë votat ndërsa atje ku jam unë në Kavajë nëse tenton njeri të fusë duart do të digjen ky është paralajmërimi im i  fundit”, tha Salianji.
Ky i fundit ka shpërthyer dhe ndaj analistit Julian Zyla teksa e kërcënoi të mbyllë gojën.  “Ore pusho se do të rraf, mbylle se do të rraf”, u shpreh Salianji.

Kjo nuk është hera e parë që deputeti demokrat do të përdorte dhunën pasi në protestën e janarit ai rrahu me shkop demokratët. Salianji u fotografuar me shkop bejsbolli duke ushtruar dhunë ndaj protestuesve.

Salianji na është shfaqur më parë dhe në komunikime live, duke dhënë leksione për dhunën, kur vetë është një nga dhunuesit kryesor që goditi me dru demokratët.

Related Topics:
Advertisement