Sanksione të shumta nga Perëndimi/ Putin: Nuk jemi të izoluar

Presidenti rus Vladimir Putin ka mbajtur ditën e sotme një fjalim në Shën Petersburg, nga ku ka deklaruar se vendi i tij nuk është i izoluar edhe pas sanksioneve të Perëndimit dhe se Rusia ruan marrëdhënie shumë të mira me partnerët tregtarë.

“Rusia nuk është e interesuar të zhvillojë marrëdhënie me partnerët që mbështesin “praktikat barbare” dhe të cilët janë të nxitur politikisht”, tha ai.

Duke vazhduar të flasë në Forumin Ekonomik Ndërkombëtar në Shën Petersburg, Vladimir Putin i kthehet propagandës duke fajësuar Ukrainën për pushtimin e Rusisë. Pavarësisht aneksimit të Krimesë në vitin 2014 dhe mbështetjes së forcave separatiste pro-ruse në Donetsk, Putin e cilësoi sulmin e tij ndaj Ukrainës si të jashtëzakonshëm.

“Lufta në Ukrainë filloi nga regjimi ukrainas me mbështetjen e sponsorëve të tyre perëndimorë në vitin 2014. Bombardimet filluan atëherë në Donbas, kjo është luftë. Unë u detyrova të përdor forcat e armatosura në përgjigje të kërkesës së Donjeckut për të ndaluar këtë operacion të armatosur”, tha Putin.