Schneeberger për Putin e Vuçiç: Kjo është pasqyrë se çfarë po gatuhet në Serbi

Këshilltarja lokale e Bashkimit Evropian, Kati Schneeberger, ka shpërndarë foto të presidentit rus dhe atij serb, duke thënë se kjo është një pasqyrë e përafërt e asaj që po gatuhet në Serbi.

Sipas saj, ky është vetëm një fragment i vogël, e nëse nuk merren kundërmasa mund të shihet se çfarë do të vijojë.

“Për të gjithë ata që u befasuan më 24 shkurt 2022, këtu është një pasqyrë e përafërt e asaj që po gatuhet në Serbi. Ky është vetëm një fragment i vogël, por vetëm nga kjo mund të shihni se çfarë duhet të prisni nëse nga Perendimi nuk ndërmerren kundërmasa” – ka theksuar ajo në rrjetin social X.