Sërish kaos! Deputetët e Rithemelimit tentojnë të futen me forcë në Kuvend

Deputetët e Rithemelimit vijojnë sot skenarin e kaosit në Kuvend. Garda ndodhet në hyrje të Kuvendit dhe nuk lejon deputetët e Rithemelimit të hyjnë. Kjo ka shkaktuar dhe përplasje fizike mes disa deputetëve dhe gardës. Jashtë janë dhe deputetë të cilët nuk janë përjashtuar, si Dash Sula, i cili majde tentoi të hynte në kuvend duke hipur mbi kokat e garditëve për të arritur tek hyrja. Ndërkohë Flamur Noka tërheq me forcë një gardist dhe ka thyer xhamin e derës së jashtme. Sot pritet edhe miratimi i rregullores së re, ku deputetët që krijojnë kaos rrezikojnë përjashtim me 2 muaj. Ditën e sotme ishte parashikuar miratimi i marrëveshjes për emigrantët me Italinë, por Gjykata Kushtetuese ka marrë në shqyrtim padinë e deputetëve Berisha-Bardhi duke pezulluar kështu ratifikimin në Kuvend deri me daljen e një vendimi.

Deputetët e përjashtuar

1. Gazment Bardhi
2. Sali Berisha
3. Flamur Noka
4. Edi Paloka
5. Albana Vokshi
6. Elda Hoti
7. Ervin Salianji
8. Bledion Nallbati
9. Asllan Dogjani
10. Lefter Gështenja
11. Isuf Çelaj
12. Luan Baçi
13. Xhelal Mziu

Lajm  në përditësim…

Nuk futen dot nga dera kryesore, deputetët e përjashtuar tentojnë të futen nga dera e pasme

Deputetët e përjashtuar të Rithemelimit, në pamundësi për tu futur nga dera kryesore në parlament kanë tentuar që të futen nga dera e pasme e Kuvendit. Por edhe në derën e pasme, deputetët u hasën me punonjësit e Gardës. ‘Nuk respektoj asnjë vendim të Lindës’- tha Noka. ‘Janë më shumë forca sigurie se punonjës të administratës së Kuvendit’- tha Bardhi.

Dash Sula hidhet mbi punonjësit e gardës dhe tenton të futet në Kuvend

Deputetët e Rithemelimit vijojnë që të krijojnë kaos në parlament dhe këtë herë skena e dhunës është zhvendosur jashtë ambienteve të Kuvendit.

Dash Sula, deputet i grupimit të Bardhit, ka tentuar që të kapërcejë rrethimin e gardës në mënyrë që të futet në kuvend. Ai është hedhur mbi punonjësit i ndihmuar edhe nga kolegët, dhe ka tentuar të futet. Dash Sula nuk është pjesë e deputetëve të përjashtuar.

Deputeti i Rithemelimit Flamur Noka në tentativë për tu future brenda në parlament ka thyer xhamin e derës së Kuvendit. AI është përplasur me punonjësit e gardës, të cilët më pas e kanë larguar.

Flamur Noka përplaset fizkisht me punonjësit e gardës! Në ndihmë i shkon dhe Xhelal Mziu

Deputetët e Rithemelimit janë përplasur me punonjësit e gardës para ambienteve të Kuvendit dhe kanë tentuar që të futen brenda. Flamur Noka, i përjashtuar nga seanca plenare pas kaosit të shkaktuar në Kuvend, ka tentuar që të largojë me dhunë punonjësin e gardës. ‘A jenu republikë private apo jemi në burg! Lini këto që nuk janë përjashtuar’- tha Noka. Në ndihmë i shkoi edhe deputeti Xhelal Mziu.