Serwer ‘ndez’ semaforin e kuq, alarm në Ballkan

Duke komentuar situatën aktuale socio-politike në Mal të Zi, profesori në Universitetin Amerikan “John Hopkins”, Daniel Serwer, e ka quajtur qeverinë e re malazeze si pro-serbe dhe pro-ruse.

Ai gjithashtu tha se nuk e di se sa mund të zgjasë pushteti i ri ekzekutiv në Mal të Zi dhe, siç shtoi se “Ata që pretendojnë se e duan Evropën, kanë bërë shumë pak për të treguar se ajo është prioriteti i tyre”.

Më herët nga SHBA u raportua se janë të shqetësuar për formimin e qeverisë, për shkak të koalicionit ZBCG, i cili nuk pasqyron vlerat perëndimore. Megjithatë, duket se as SHBA-ja dhe as BE-ja nuk kanë qenë proaktive në ndihmën dhe zgjidhjen e shkaqeve rrënjësore të tensionit në rajon.

Serwer gjithashtu vëren se kjo pakujdesi, nëse e lejojnë malazezët, mund të na çojë në Moskë dhe Beograd, në vend të Brukselit dhe Uashingtonit.

I pyetur se si mund të ndikojë zgjedhja e Andrija Mandiç në postin e kryetarit të Kuvendit në Podgoricë, në kursin e politikës së jashtme të Malit të Zi, Serwer pret që kjo të ketë një ndikim të madh në politikën e jashtme të vendit, pasi sipas tij, “Ka shumë që duan ta çojnë Malin e Zi në Lindje dhe jo në Perëndim”.

Duke komentuar deklaratën e presidentit të Ukrainës “se bota duhet t’i kushtojë më shumë vëmendje Ballkanit sepse ka informacione se Rusia do që një vend ballkanik të shkojë në luftë me një tjetër”, Server beson se Zelensky ka të drejtë dhe se qëndrimi është se sa më shumë probleme të shkaktojë Rusia në Ballkan, aq më mirë do të jetë Putini.

“Subjektet ndërkombëtare kanë treguar pak guxim në përballje me Rusinë dhe përfaqësuesit e saj në Ballkan,” – beson Serwer.

Profesori amerikan ka paralajmëruar vazhdimisht për aktivitetet destabilizuese të Serbisë në Rajonin e Ballkanit. Megjithatë, duket se Aleksander Vucic, ende gëzon mbështetjen e disa ambasadorëve.