Shëndeti/ Kujdes nga multivitaminat

Shumë njerëz marrin suplemente vitaminash çdo ditë, por çfarë efekti mund të ketë ky zakon në trup? Ja çfarë thotë shkenca.

Suplementet shpesh merren shumë lehtë, duke i konsideruar ato produkte të padëmshme që me siguri do të kontribuojnë në përmirësimin e shëndetit tonë. Pikërisht për këtë arsye, në disa raste ato zgjidhen dhe merren në autonomi të plotë, por nuk rekomandohet absolutisht kështu…

Në realitet, edhe kur bëhet fjalë për produkte natyrale, ekziston rreziku i efekteve anësore të mundshme ose ndërveprimeve të rrezikshme me barnat që merrni. Duke pasur parasysh këtë, është gjithmonë mirë të kërkoni këshilla mjekësore, edhe nëse dëshironi të përdorni multivitamina të thjeshta ose suplemente të vetme vitaminash.

Po çfarë mund t’i ndodhë trupit duke marrë çdo ditë një suplement vitaminash, ndoshta në doza të larta? Disa kërkime shkencore kanë nxjerrë në pah rreziqe të ndryshme.

Sigurisht, nëse marrim multivitaminën e duhur mund të kemi shumë përfitime: të ndjejmë më shumë energji, për shembull. Gjithsesi është e rëndësishme të zgjedhim një ose më shumë vitamina që kemi vërtet mungesë dhe kjo mund të vërtetohet vetëm me analizat e nevojshme.

Përndryshe, nëse marrim një multivitaminë që as nuk na nevojitet (pasi nuk kemi mangësi në ato vitamina) dhe ndoshta edhe në doza të larta, ne e ekspozojmë veten ndaj rrezikut të një sërë problemesh.

Shumica e vitaminave janë të tretshme në ujë ndërsa vitaminat A, D, E dhe K janë të tretshme në yndyrë. Marrja e tepërt e një vitamine të tretshme në yndyrë mund të jetë e rrezikshme pasi trupi nuk mund ta shpërbëjë atë dhe ato priren të grumbullohen.

Marrja e tepërt e vitaminës E ose beta karotenit, në veçanti, mund të jetë jashtëzakonisht e rrezikshme. Në fakt, sipas një studimi të publikuar në JAMA Neurology: Suplementimi i vitaminës E (dl-alfa tokoferol) rritiincidencën dhe vdekshmërinë për shkak të hemorragjisë subaraknoidale…ndërsa suplementimi i beta karotenit rriti incidencën e hemorragjisë intracerebrale

Mund t’ju bëjë të ndiqni një dietë jo të shëndetshme

Dikush që merr një multivitaminë çdo ditë mund të ketë një ndjenjë të rreme sigurie se kjo është e mjaftueshme dhe se nuk ka nevojë të ketë një dietë të shëndetshme. Në realitet është pikërisht e kundërta: nëse ndjekim një dietë të shëndetshme, vështirë se do të kishim nevojë për një multivitaminë

Mund të shkaktojë dëmtim nervor

Në disa raste, mbidoza e vitaminave mund të shkaktojë efekte anësore nervore. Një studim nga StatPearls zbuloi se marrja e tepërt e vitaminës B6 mund të shkaktojë toksicitet dhe të çojë në probleme të sistemit nervor.

Intoksikimi

Nëse marrim shumë vitaminë D nga suplementet dietike, kjo mund të krijojë një rritje të niveleve të kalciumit (hiperkalcemia), e cila çon në një sërë simptomash të helmimit me vitaminë D si diarre, kapsllëk, nauze dhe të vjella. Nëse mbidoza nuk ndërpritet, atëherë mund të shfaqen simptoma të tjera duke përfshirë dhimbje koke, përgjumje dhe dobësi.

Gurët në veshka

Para se të zgjidhni një suplement, është thelbësore të kontrolloni dozën, veçanërisht nëse është kalcium ose vitaminë D.“Vitamina D, dhe në veçanti metaboliti i saj aktiv kalcitriol, rrit thithjen e kalciumit në tretje. Meqenëse sekretimi i kalciumit urinar lidhet drejtpërdrejt me thithjen e kalciumit në tretje, metabolitët teorikisht mund të rrisin kalciurinë dhe të nxisin gurët në urinë”, sipas një studimi të botuar në Nutrients.

Simptomat e Covid nuk zvogëlohen

Gjatë pandemisë është folur disa herë për suplementin e vitaminës C si një aleat i mundshëm kundër simptomave më të rënda të Covid. Në fakt, një studim zbuloi se marrja e dozave të larta të vitaminës C ose zinkut nuk është e dobishme në luftimin e sëmundjes