Connect with us

Lifestyle

Shëndeti/ Banane dhe kivi për mëngjes

Një pije smoothie është fantastike për të nisur mëngjesin.

Merni disa ushqime që ju mbushin energji dhe përziejni në blender, është kaq e thjeshtë.

Përbërësit
1 gotë kos
2 kivi
1 mollë
1 banane
1 portokall
kuba akulli
2 lugë gjelle lajthi
2 lugë gjelle fara liri

Përgatitja
Pastrojini frutat dhe prejini në copa të vogla. Kombinoni kosin, kivin, mollën, bananen, portokallin dhe akullin në një blender. Shtoni më pas 2 lugë gjelle lajthi dhe 2 lugë gjelle fara liri. Përziejeni për 2-3 minuta derisa të merrni një masë homogjene. Hidheni smoothie-n në një gotë dhe dekorojeni me 3 feta banane, 2 lajthi, pak fara liri, dhe 1 fetë kivi.

Lifestyle

Çfarë nuk durojnë dot meshkujt tek femrat

Ju mund të jeni më e bukura në botë, por në qoftë se ju i keni këto lloje të sjelljeve, bukuria nuk do të thotë asgjë. Bukuria nuk është vetëm diçka që duket jashtë, ajo rrezaton nga vetitë tuaja.
Meshkujt i konsiderohen vajzat jo tërheqëse nëse ato janë:

Arrogante

Arroganca dhe vetëbesimi janë dy tipare të ndryshme, dhe femrat shpesh i ngatërrojnë ato. Disa për arrogancë kuptojnë pikërisht vetëbesimin. Ju duhet të besoni në veten tuaj dhe të jeni të vetëdijshëm për cilësitë e tuaja të mira që ju ndajnë nga turma, por në momentin kur filloni t’i trajtoni njerëzit në mënyrë inferiore, nga më e bukura bëheni personi më i shëmtuar. Vajzave të tilla meshkujt kurrë nuk u afrohen.

Mbretëresha e dramës

Çdo njeri në botë dëshiron vëmendje dhe ndonjëherë përpiqet për t’a fituar atë, por tentimi për të tërhequr vëmendje në çdo situatë të mundshme është vepër shumë e shëmtuar dhe e neveritshme. Meshkujt nuk i durojnë femrat që vazhdimisht bëjnë fjalë dhe kërkojnë qime në vezë. Nëse ju ka rënë ngjyra e thonjve apo keni shqyer bluzën tuaj të preferuar, qetësohuni. Askush nuk e do mbretëreshën e dramës pranë tij.

Që merren me thashetheme

Vajzat që dinë gjithçka, prej asaj se çka bën kushërira e largët e shoqes së tyre nga kopshti i fëmijëve deri te ajo se kush me kë ishte mbrëmë dhe ku është ulur, thjeshtë i irriton meshkujt. Jo vetëm meshkujt, njerëz të tillë nuk pëlqehen as nga femrat. Të gjithë nganjëherë merremi nga-pak me thashetheme, por nëse thashetheme janë bërë të zakonshme në jetën e përditshme, definitivisht jeni më pak tërheqës.

Continue Reading

Lifestyle

Shenjat që tregojnë se vuani nga depresioni edhe nëse nuk e kuptoni

Depresioni është një sëmundje mendore që prek mbi 300 milionë njerëz në mbarë botën, sipas Organizatës Botërore të Shëndetësisë. Depresioni ka një efekt në të menduarit, emocionet, trupin dhe sjelljen e një personi. Hidhërimi klasifikohet si depresion bazuar në intensitetin, kohëzgjatjen dhe efektin e tij në funksionimin e një personi. Megjithatë, askush nuk mund të thotë qartë se cilat janë simptomat e tij, pasi ato shpesh keqinterpretohen ose shpërfillen.

Lexoni më poshtë për gjashtë shenjat që mund të vuani nga depresioni pa e kuptuar.

1-Ju përpiqeni ta fshihni trishtimin tuaj pas justifikimeve të ndryshme dhe përfundoni duke u trishtuar.
2-Ju keni sukses në shumë fusha, por nuk kënaqeni me fitoret tuaja. Kjo do të thotë, në vend që të ndjeni gëzim, ju ndiheni konfuz.
3-Ju refuzoni të largoheni nga zona e komoditetit dhe vazhdimisht kritikoni atë që bëni.
4-Ju shkëputeni nga gjërat që ju bëjnë të ndiheni të lumtur dhe ju kënaqin. Zakonisht, ju i thoni “po” asaj që ju imponojnë të tjerët.
5-Mundohuni të jeni gjithmonë social dhe aktiv, në mënyrë që të “harroni” atë që ju shqetëson.
6-Ju mendoni se nuk e meritoni pranimin dhe dashurinë e të tjerëve.

SHËNIM: I vetmi person kompetent për të diagnostikuar depresionin është specialisti i shëndetit mendor.

Continue Reading

Lifestyle

Edukata dhe dija janë “dy anë të monedhës”

Edukata në njërën anë, si dhe dija në anën tjetër, janë dy anë të monedhës, të cilat gjithherë duhet të jenë paralele, duke e plotësuar njëra-tjetrën e assesi të ndara.

Një monedhë e cila ka vetëm njërën anë si duhet, kurse anën tjetër jo si duhet, këtë monedhë nuk e çmon askush, as njeriu që e posedon, madje as “tregu në të cilin shitet”.

Është thënë bukur që moti se, edukata i paraprinë dijes, jo për faktin se është e para për nga gjeneza, por për faktin të rëndësisë dhe peshës që posedon.

Nuk mendohet një i ditur pa edukatë, ngase nëse dija që posedon nuk ndikon pozitivisht në edukatën e tij, atëherë themi: “Çfarë dije qenka kjo?”. Po njësoj, nuk mendohet as një i edukuar pa dije, ngase nëse edukata që ka nuk ndikon pozitivisht për nxënien e dijes, atëherë pyes: “Çfarë edukate na qenka kjo?”.

Pra, pas gjithë kësaj vëmë re se edukata dhe dija janë dy komponente esenciale për të formuar një personalitet “të përkryer” në rrafshin njerëzor. Njeriut të cilit i mungon cila nga këto dy komponente, ky njeri kurrë në jetën e tij nuk do jetë i suksessshëm, por do mbetet njeri i gjorë, nën blozën e paedukatës dhe injorancës.

Nuk ka petk më të bukur që mund t’i mvishet dijes, sesa edukata. Kjo e fundit përbën shpirtin dhe thelbin e dijes. Le të jetë përfund një mesazh të cilin e përçon vetë titulli i këtij punimi: “Edukata le t’i paraprijë dijes, nëse dëshirojmë që kjo dije të jetë e dobishme dhe kjo edukatë të reflektojë pozitivisht”.

Continue Reading

Lifestyle

Rreth 80% e të rinjve janë gati të largohen nga puna për shkak të atmosferës toksike në kompani

“Djegia”, një gjendje shëndetësore e lidhur me stresin kronik në punë, është gjithnjë e më e zakonshme tek punonjësit.

Në fakt, sipas një sondazhi të Institutit Shëndetësor McKinsey me 30,000 punëtorë në 30 vende, 22 për qind e punëtorëve në mbarë botën kanë simptoma të djegies.

Shkaqet kryesore të “djegies” janë konfliktet ndërpersonale, mungesa e qartësisë në lidhje me detyrat, përgjegjësitë dhe qëllimet, si dhe presioni në lidhje me kohën dhe ngarkesën e punës.

Këta faktorë mund të çojnë në konfuzion, stres dhe produktivitet të ulët.

Nga pikëpamja demografike, punonjësit në kompanitë më të vogla që nuk kanë pozita drejtuese dhe punëtorët më të rinj duket se janë më të rrezikuar nga “djegia”.

Rreth 50 për qind e punonjësve të Gen Z dhe Millennial ndjehen të stresuar në punë shumicën e kohës dhe rreth 80 për qind do të ishin të gatshëm të largoheshin për shkak të një kulture toksike të kompanisë, transmeton Alsat-M.

Një mjedis pozitiv i punës është treguar të jetë një faktor kyç në përmirësimin e mirëqenies së punonjësve. Ky mjedis i lejon ata të ndihen më mirë dhe të jenë më inovativë dhe efikasë në punë.

Një klimë pozitive në kompani shoqërohet me atraktivitet dhe kënaqësi më të madhe, si dhe me performancë të lartë.

Continue Reading

Lifestyle

Së shpejti ndryshon ora, kur do t’i kthejmë akrepët një orë përpara

Dy javë na ndajnë nga ndryshimi i orës verore, mes të shtunës 30 dhe të dielës së 31 marsit kthehet ora verore me akrepat e orës që lëvizin një orë përpara.

Prej dekadash, vendet e Bashkimit Europian aplikojnë dy orë, atë të dimrit, që nis të dielën e fundit të tetorit dhe orën verore që kthehet të dielën e fundit të marsit. Krahas shteteve që e kanë përkrahur nismën e ndërmarrë për kursimin e energjisë elektrike, ka vende si Turqia e Rusia që kanë një orë vjetore.

I pari që teorizoi përdorimin e kohës së verës ishte, Benjamin Franklin, i cili përshkroi udhëzimet në esenë e tij “Projekti ekonomik për të ulur koston e dritës”

Në vitet e Franklinit, ora nuk ishte e përhapur dhe hekurudhat ende nuk ishin ndërtuar, kështu që nevoja për të sinkronizuar procesverbalet nuk ishte aq prioritare, por kjo hyrje e përshpejtoi përparimin në shumë aspekte.

Sidoqoftë, ideja e Benjamin Franklin nuk u ndoq derisa William Willet propozoi përdorimin e orës verore në Dhomën e Komunave Britanike në 1907. Propozimi u pranua në vitin 1916 kur, në kohë lufte, ishte e nevojshme të kursehej energjia.

Sipas disa studiuesve, thuhet se koha verore sjell përfitime më të mëdha për shëndetin tonë, sepse është më në sinkron me orën tonë biologjike, e cila ka nevojë për errësirë gjatë orëve të mbrëmjes për të prodhuar melatonin dhe për të siguruar pushimin e duhur.

Megjithatë, për shkak të krizës energjetike të periudhës së fundit, shumë po kërkojnë braktisjen përfundimtare të orës diellore, duke adoptuar orën verore gjatë gjithë vitit.

Ndonëse prej tre vitesh diskutohet si i fundit për ndryshimin e orës, sërish duhet të presim nëse do të ketë vendimin zyrtar nga BE.

Më të prekur nga ndryshimi i orës janë padyshim qytetarët aktiv në marrëdhënie pune dhe arsimore, të cilët preferojnë një orë të pandryshuar.

Continue Reading
Advertisement

TRENDING