Shkelje të barazisë në tendera/ Ish-kreu i Drejtorisë së Transportit njihet me masën e sigurisë së GJKKO

Gjykata e Posaçme ka njohur sot ish-drejtuesin e Drejtorisë së Transportit të Trafikut Rrugor në Bashkinë e Tiranës Enton Punavijan me masën e sigurisë detyrim paraqitje në lidhje me dosjen “5D”. Punavija akuzohet për veprën penale të shkeljes së barazisë në tendera e kryer dy herë dhe në bashkëpunim.

Mësohet se masa ndaj tij u caktua njëherësh me ato ndaj drejtorëve bashkiakë Mariglen Qato, Redi Molla, Taulant Tushe etj, por për shkak se nuk ndodhej në Shqipëri kur u krye operacioni, u caktua një datë tjetër për seancën.