Shkrumbohet nga flakët makina në Korçë

Një automjet është përfshirë nga flakët në lagjen numër 17 të Korçës. Fatmirësisht u raportua vetëm për dëme materiale në vendngjarje.

Policia ka mbërritur në vendin ku u gjet makina e djegur dhe deri më tani dyshohet se flakët janë shkaktuar aksidentalisht nga një defekt teknik.

Zjarrfikësit në vendngjarje kanë arritur të vënë nën kontroll flakët. Makina ka qenë e parkuar, ndërsa siç shihet nga pamjet është shkrumbuar në pjesën më të madhe. Ende nuk është identifikuar pronari i mjetit.