Shpallet në kërkim babai i Florenc Çapjas…

Babai i Florenc Çapjas, Fejzullah Çapjas është shpallur në kërkim nga policia e shtetit. Specialistët për Hetimin e Krimeve Kundër Personit në Elbasan ushtruan kontroll në lagjen Emin Matraxhiu, në servisin e 64-vjeçarit, aty ku u gjetën mjet me targa të vjedhura dhe fishekë ushtarakë.

Gjate kontrollit të ushtruar në servisin e babait të Çapjas të kërkuar, u gjetën dhe u sekuestruan në cilësinë e provës materiale, një automjet tip “Alfa Romeo”, pa targa, i cili rezulton i vjedhur në Kavajë, më datë 18.04.2019. Në vijim të kontrollit, në brendësi të automjetit u gjetën 2 targa, të cilat gjithashtu rezultojnë të vjedhura në Elbasan, më datë 29.06.2020, fishekë luftarakë dhe 1 aparat celular.

Dyshohet se 64-vjeçari ndihmonte të birin në aktivitetin kriminal, ndaj Fejzulla Çapjas janë ngritur 3 akuza

Ndërsa në ambientet e servisit, shërbimet e Policisë gjetën një kapele me stemën e Policisë, si dhe një këllëf për mbajtjen e armëve të zjarrit. Çapja do të hetohet për veprat penale “Mbajtja pa leje e armëve, armëve shpërthyese dhe municionit”, “Mbajtja pa të drejtë e uniformës” dhe “Sigurimi i kushteve dhe i mjeteve materiale për të kryer vrasje”.