Shpërthen Andi Bushati: Na çanë trapin me amerikanët

Andi Bushati ka qenë i ftuar në emisionin “Të Paekspozuarit”, ku u fol për drejtësinë dhe politikën.

Bushati tha se reforma në drejtësi, ka bërë që drejtësia të jetë në gjendje shumë më të keqe se para reformës, me gjyqtarë dhe prokurorë të korruptuar, që shohin interesat e tyre.

“A mundet SPAK t’i kufizojë lirinë një deputeti? Nga disa u çua në Gjykatë Kushtetuese. Disa lapangjozë dhe legena, e kanë kthyer Gjykatën Kushtetuse në pazar për pronat e tyre të vogla, tërhoqën menderen se kanë hallin e pazareve. Ne nuk mund të flasim këtu për gjykata të pavarura.

Këtu po tregohet që çdo institucion i kësaj drejtësisë së re, që na çanë trapin me amerikanët, jo e “mrekullueshme”, “heronjtë e fëmijëve”… Ne kemi patur një gjykatë si hetuese. Kjo drejtësi e ndyrë që kemi patur, na kishte sjellë një Gjykatë Kushtetuese, që i ka kthyer Sali Berishës 42 atentate kundër Kushtetutës, siç thoshte dhe Rama. Kemi ardhur në një Gjykatë Kushtetuese me gjithë by*lëpirësit e pushtetit. Me reformën në drejtësi, kemi hequr disa të këqinj për ti zëvendësuar me disa super të këqinj dhe të korruptuar.

Po të shohësh pamjet, që Berisha shkon më badigardë dhe gazetarët atje me kamera, duket sikur ka dy standarte. Po ka dy standarte, por Berisha po trajtohet me standard më të ulët se të tjerët. Nëse SPAK do të ndiqte të njejtin standard si për Berishën, ne atje me badigardë do të kishim Edi Ramën.

Ky pa qenë i akuzuar, sa kohë do të mbahet në arrest shtëpie? Po sikur t’ju them se Berisha do të mbahet në arrest shtëpie, aq kohë sa i duhet Ramës, aq kohë sa i duhej kundërshtarëve të tij që ta linin pa vulë. Ne kemi bërë reformë në drejtësi, që gjykatat dhe prokurorinë ia ka vënë nën shërbim pushtetit politik.

Kemi aparat drejtësie, në funksion të dëshirave dhe qëllimeve të pushtetit politik të Edi Ramës.

Rama thotë nuk bëj dialog non-gratën, nuk bëj dialog, e dua jashtë parlamentit. Ç’po bën SPAK, prokuroria, Gjykata e Apelit? Po i japin mundësi Ramës, të mos jetë Berisha përfaqësues i opozitës. Kush është opozitar në këtë vend, nuk i bëhet drejtësi, por jepet ndëshkim politik”, tha Bushati.