“Shpërthen” rrjeti kundër këngëtares shqiptare, shkak deklarata për të bijën

Këngëtarja e njohur, Soni Malaj është një personazh publik që rrallë herë flet për vajzën e saj Ana, e cila aktualisht është 12-vjece.

Në një intervistë të dhënë së fundmi, këngëtarja e njohur është kritikuar nga fansat në lidhje me një deklaratë që ajo ka thënë në lidhje me vajzën e saj.

Malaj ka folur për mëmësinë dhe rregullat që ajo i ka vendosur Anës, duke shtuar gjithashtu se ndonjëherë kërcet druri, deklaratë që nuk është pritur aspak nga përdoruesit e rrjeteve sociale.

Malaj theksoi se Ana nuk ka telefon edhe pse është 12 vjeç, por pranon se nuk e ndalon dot ekspozimin e saj ndaj rrjeteve sociale në klasë me shokët e shoqet. Ana e di që mami është nga Tropoja dhe është shumë fanatike. E di ajo që kërcet druri ndonjëherë dhe unë nuk toleroj shumë”, ka thënë Soni duke qeshur.

“Çfarë është kjo kërcet druri në 2024-ën?”, shkruan një përdoruese e TikTok. “Nuk e di a e ke marrë parasysh që kjo fjalia për kërcitjen e drurit do e lëndojë vajzën tënde dhe mbase do bullizohet për këtë që ke thënë”, shkruan një tjetër.

Edhe komente të tjetra e kritikojnë këngëtaren për deklaratën duke e quajtur kontradiktore, ndërsa ka edhe nga ata që e justifikojnë shprehjen dhe veprimin e Sonit, duke deklaruar se vetëm ashtu rritet fëmija.