Connect with us

Politike

Shqipëri-Itali, marrëveshje për Komitetin e Përbashkët të Përhershëm

Kryeministri Edi Rama priti sot, në takim Ministrin e Punëve të Jashtme dhe Bashkëpunimit Ndërkombëtar të Italisë, Luigi Di Maio. Në përfundim të takimit, u nënshkrua marrëveshja për krijimin e Komitetit të Përbashkët të Përhershëm Shqipëri-Itali.

Kryeministri Edi Rama: Mirëdita!
Sapo kemi përfunduar një takim vëllazëror me Ministrin e Punëve të jashtme dhe Bashkëpunimit Ndërkombëtar të Italisë, një mik, që mund ta them me plot gojën, i çmuar i shqiptarëve, i Shqipërisë, që pavarësisht situatës tejet të ngarkuar, ka gjetur përsëri kohën dhe mundësinë për të riardhur në Shqipëri, pas vizitës së dhjetorit të kaluar, kur e kujtoj për të gjithë, e përsëri dua ta falenderoj, na u gjend pranë në një nga momentet më të rënda të historisë sonë, pas tragjedisë së madhe të 26 nëntorit të shkuar.
Nuk mundem që bashkë me falenderimin për të, të mos përsëris shprehjen e mirënjohjes më të thellë për Italinë mike, për qeverinë italiane, për popullin italian dhe në mënyrë të veçantë për trupat fantastike të Mbrojtjes Civile italiane, të cilat reaguan në mënyrë të rrufeshme ndaj nevojës sonë për ndihmë dhe u gjendën brenda shumë pak kohe, në zonën e fatkeqësisë, duke sjellë shpresë dhe duke shpëtuar jetë njerezish.
Nga ana tjetër, nuk mundem të mos e kujtoj këtu, me mirënjohje, edhe përfshirjen e drejtëpërdrejtë të mikut tonë, Luigi di Maio dhe të Kryeministrit Conte, për të garantuar një mbështetje të jashtëzakonshme për Shqipërinë në Bruksel, në Konferencën Ndërkombëtare të Donatorëve, ku Italia ishte jo vetem me fjalë, por edhe me vepra, në krye të radhës së vendeve mike që u rreshtuan krah për krah Shqipërisë.
Sot ndajmë së bashku edhe eksperiencën që po ndan e gjithë bota, eksperiencën e jashtëzakonshme që po sprovon gjithë botën të përballjen me armikun e padukshëm, virusin COVID-19. Dëshiroj ta falenderoj Ministrin edhe për gatishmërinë për të qenë krejtësisht i hapur dhe i gatshëm në funksion të sigurimit të vaksinës, për të cilën e gjithë bota është vënë në lëvizje, BE-ja është vënë në lëvizje. Siç e kam shpjeguar më parë, vendet po krijojnë edhe partneritete dhe Italia falë kësaj lidhjeje krejt të veçantë që ka me Shqipërinë, por falë edhe Kryeministrit Conte dhe Ministrit të Jashtëm është pranë nesh, siç është edhe BE-ja pranë Ballkanit Perëndimor, në mënyrë që vendet e rajonit tonë të mos mbeten mbrapa, në radhë të parë në garantimin e vaksinës për personelin mjekdor dhe sipas radhës, por në një kohë sa më të shpejtë për mësuesit, për forcat e policisë dhe pastaj për gjithë popullin në vijim.
Sot kemi folur me ministrin edhe për temën e rëndësishme të bashkëpunimit. 10 vjet si sot, si këtë vit është nënshkruar Deklarata e Partneritetit Strategjik Shqipëri-Itali, një gur i rëndësishëm kilometrik në rrugën e forcimit të marrëdhënies sonë dypalëshe. Ne duam ta institucionalizojmë më tej këtë partneritet, duke nxitur dialogun në funksion të temave të posaçme dhe tema për të cilën do të angazhohemi menjëherë është tema e partneritetit në lidhje me planin e investimeve për Ballkanin, i cili ka tre shtylla kryesore, transport dhe infrastrukturë, energji dhe digjitalizim. Në dy shtyllat e para, Italia ka ekspertizën e çmuar në arenën ndërkombëtare, ka dhe vullnetin për të qenë pranë nesh. Kështu që më shpejt se vonë, së bashku me Ministrin, ne do të përcaktojmë edhe partnerët strategjikë në këtë rrugë, që do të na asistojnë me ekspertizën e tyre për projektet dhe për aksesin në financimin e këtij fondi të BE-së.
Dhe e fundit, por jo për nga rëndësia, dua ta falenderoj Ministrin personalisht, sepse, pavarësisht se nuk kam asnjë arsye që të harroj angazhimin e paraardhësve të tij në këtë detyrë, realisht është i angazhuar jo thjeshtë politikisht, jo thjeshtë institucionalisht, por edhe personalisht për të qenë një avokat i shkëlqyer i integrimit europian të Shqipërisë dhe të Ballkanit Perëndimor që është pjesë e vizionit strategjik të qeverisë italiane.
Kemi folur edhe për këtë stacion, ku gjërat në këtë moment janë komplikuar, siç jeni edhe informuar, nga një moment ngërçi mes Bullgarisë dhe Maqedonisë së Veriut, në ndërkohë që po diskutohet edhe korniza negociuese me të dyja vendet, në nivelin e BE-së.
Ministri Luigi Di Maio: Faleminderit Zoti Kryeministër!
Faleminderit Edi!
Sot kam patur një takim shumë të përzemërt dhe konstruktiv me mikun, Kryeministrin Edi Rama me të cilin kemi një marrëdhënie të qëndrueshme. Vitin e kaluar, siç keni thënë dhe ju, kam qenë këtu në Tiranë, menjëherë pas tërmetit, për të ofruar mbështetjen e Italisë. Në atë moment nuk do kishim imagjinuar dot se në muajt në vijim një tragjedi e re do kishte goditur dy vendet tona dhe botën mbarë.
Lufta kundër COVID-19 që kërkon një sforcim të përbashkët konfirmoi dhe një herë, nëse do të jetë e nevojshme, se sa e fortë është miqësia mes Italisë dhe Shqipërisë. Në momentet më të errëta të pandemisë në Itali kemi pritur me shumë falënderim e mirënjohje ndihmat e mbërritura nga Shqipëria dhe kur qe e nevojshme, kemi dhënë dhe ne këtë ndihmë duke dërguar një skuadër operatorësh shëndetësorë nga Italia. Kjo gjë nuk na ndalon nga dëmet që kanë pësuar shoqëritë tona dhe ekonomitë tona.
Marrëdhëniet tona ekonomike tregtare tashmë janë të forta dhe sikurse është treguar nga fakti që Italia është furnitori i parë i Shqipërisë. Megjithatë, qëndrueshmëria e raporteve në marrëdhëniet tona është e tillë që ne mundet dhe duhet të bëjmë dhe më mirë. Për këtë jam veçanërisht i gëzuar të them që sot kemi nënshkruar një deklaratë të përbashkët për të ngritur një komision ekonomik të përbashkët, i cili do të ngrejë një forum dialogu dhe ballafaqimi për mundësi tregtare dhe investimi për të dy vendet tona, si dhe për të përballuar e për të zgjidhur pikat kritike e problematike në marrëdhëniet dypalëshe dhe ato në kuadrin ekonomik.
Është një kuadër veçanërisht premtues, padyshim, edhe ai i infrastrukturave, falë dhe planit të modernizimit të sektorit të transportit, të miratuar nga qeveria shqiptare, gjë e cila vendoset në një vizion bashkëpunimi me planin për zhvillimin ekonomik dhe të investimit për vendet e Ballkanit Perëndimor, të paraqitur nga Komisioni Europiain në tetor.
Një aspekt tjetër i lidhur me përforcimin e marrëdhënieve tona ekonomike e tregtare, të cilin e kemi shumë përzemërt, është ajo e përhapjes së gjuhës italiane në Shqipëri. Prandaj shpresojmë për këtë, një prani më të madhe të arsimit italian në Shqipëri, ndoshta edhe duke e shtrirë mësimdhënien e gjuhës italiane dhe në institutet teknike dhe profesionale. Një vendim i tillë do të ishte në linjë me zgjerimin konstant të bashkëpunimit ekonomik mes dy vendeve dhe praninë e një linje rrjeti të gjerë të firmave italiane në Shqipëri.
Qëndrueshmëria e marrëdhënieve tona dy palëshe është reflektuar gjerësisht në fakt dhe me bashkëpunimin në nivel ndërkombëtar dhe shumëpalësh. Siç njihet, Italia gjithmonë ka qenë pranë Shqipërisë në rrugëtimin e saj drejt afrimit dhe integrimit në Bashkimin Europian dhe mbështet me bindje rrugëtimin e reformave kurajoze të brendshme, të ndërmarra nga Tirana për këtë qëllim.
Përpjekjet tona në këtë drejtim do të jenë konstante. Tani objektivi më i afërt është të punojmë që të thirret konferenca e parë ndërqeveritare, qoftë me Shqipërinë, qoftë me Maqedoninë e Veriut. Pavarësisht kësaj ndalese të regjistruar, do të nxisim sa më shpejt këtë mbledhje përsa i përket konferencës që përmenda. Pavarësisht ndalesës që pati këtë javë në Këshillin e Çështjeve të Përgjithshme, ne mbetemi të vendosur për të arritur objektivat tona brenda Bashkimit Europian që të fillojmë konferencën, pra, për rrugëtimin e vetëm për zgjerimin e Bashkimit Europian me Shqipërinë.
Me Kryeministrin folëm dhe për çështje të tjera, të cilat janë të lidhura me pandeminë, me bashkëpunimin për vaksinat, por dhe investimet në mënyrë që të dalim nga një vështirësi ekonomike e vendeve tona, që është një vështirësi në rang botëror pikërisht si pasojë e asaj çka ka ndodhur me COVID-in. Për këtë do të kemi gatishmërinë për të punuar së bashku mbi projektimin, planifikimin, mundësinë për të gjurmuar dhe planin e investimeve në vendet e Ballkanit Perëndimor në favor të bashkëpunimit të ndërmarrjeve tona, edhe ato publike, në planin shëndetësor për vaksinat sikurse thamë, duke parë sëbashku drejt një të ardhmeje, e cila do të jetë rozë nëse do ta përshkojmë së bashku këtë rrugë që na ndan nga normaliteti.
Unë do të doja ta përfundoja me një fjali për miqtë shqiptarë, nuk jam absolutisht i zoti të flas shqip, ashtu sikurse Kryeministri shqiptar flet italishten. “Të përbashkuar” – kjo është për sa i përket Europës së përbashkuar, pra, është një urim që  ne mund t’i bëjmë njëri-tjetrit drejt një të ardhmeje europiane.
Advertisement
Click to comment

Leave a Reply

Your email address will not be published. Required fields are marked *

Politike

Dosja e Xibrakës/ Bardhi thirrje kreut të SPAK: Të hetohet roli i Olsi Ramës

Kreu i Grupit Parlamentar i PD-së së Rithemelimit, Gazment Bardhi në një deklaratë për mediat, i ka bërë thirrje kreut të SPAK Altin Dumanit, që të rihapë dosjen e Xibrakës.

Bardhi shprehet se pjesëtari i organizatës kriminale në Xibrakë, që është i paidentifikuar, është Olsi Rama. Kjo, sepse në dosje është një 45-vjeçar, që ngjan me Olsi Ramën dhe ai ka përdorur të njëjtën makinë me trafikantët e që nuk është identifikuar nga policia.

“Të hapet sërish dosja Xibraka, të hetohet roli i Olsi Ramës për laboratorin e drogës. I drejtohem kreut të SPAK Altin Dumani, prova është dosja. Ndërsa për Edi Ramën kam një pyetje se përse krerët e organizatës kriminale përdorën me Olsi Ramën të njëjtën makinë.

 

 

Thelbi i çështjes është se çfarë bën Olsi Rama në të njëjtën makinë, ku kanë udhëtuar edhe kriminelët. Është koha që kryeministri të provojë mjerimin e së vërtetës dhe të çlirohet nga banditët dhe trafikantët”, deklaroi Bardhi.

Continue Reading

Politike

Gjekmarkaj: Berisha, i vetmi politikan në arrest shtëpie pa akuzë e pa dënim

Nënkryetari i Partisë Demokratike të Rithemelimit, njëherësh dhe nënkryetar i Kuvendit, Agron Gjekmarkaj, është shprehur se vula e PD-së po mbahet peng, ndërsa shton se kjo sagë nuk duhet të vijojë pa fund.

Gjatë intervistës në studion e lajmeve në News24, Gjekmarkaj tha se Sali Berisha është kryetari i PD-së dhe se ish-kryeministrit është sot i vetmi politikan në arrest shtëpie pa akuzë dhe pa dënim.

“Në momentet e para mendoj se gjykata ka patur vështirësi dhe është dashur një periudhë qartësie. Kur gjërat u bënë të qarta nuk besoj se kjo sagë duhet të vijojë pafund dhe nuk duhet vetëm paanësi, por dashuri për vendin në mënyrë që opozita të mos mbetet peng pasi ne duhet të përballemi me qeverinë e Edi Ramës. Bonuset e këtij pengu i mban mazhoranca dhe qeveria në një kohë kur gjykata duhet të jepte vendimin prej kohësh. PD duhet të kthehet plotësisht brenda kornizës së saj ligjore dhe t’u përgjigjet qytetarëve dhe mbështetësve.

Unë kam qenë nënkryetar i PD dhe dhashë dorëheqjen për të hapur rrugë që PD të kthehet te bashkimi. E bëra si akt përgjegjësie dhe e pranova sërish pozicionin e nënkryetarit si akt përgjegjësie dhe shans për t’u ri ngritur dhe për t’u përballur me Edi Ramën dhëmbë për dhëmbë e sy për sy. Në optikën time aksioni opozitar ka qenë 5 muaj rezistence të paepur dhe dinjitoze, e shëndetshme për demokracinë. Këto protesta sollën zgjidhjen e kërkesave të opozitës. Opozita u përball me një rezistencë disa mujore të pazakontë, por konsistente dhe e gatshme të vazhdonte deri në limite, e detyruam qeverinë të tërhiqej dhe parlamenti të kthehej në shinat e Kushtetutës, së bashku me ndërkombëtarët. Kjo është e mira e kësaj proteste, ndërkombëtarët njohën opozitën e vërtetë dhe përpjekjen tonë për rikthimin e rregullit në Parlament. Mjafton që të ndizni televizorin për të parë kush është opozita e vërtetë. Janë numrat ato që vendosin dhe që kanë caktuar qartë kush është opozita shqiptare.

Sali Berisha është sot i vetmi politikan në arrest shtëpie pa akuzë dhe pa dënim. Secili mund t’i bëjë pyetje vetes si mund të konsiderohet arrestimi i tij, kur Kushtetua e mbron deputetin nga çdo vendim gjykatash pa miratim Kuvendi. Kjo ndodhi me Berishën dhe Kuvendi certifikoi atë që gjykata bëri gabim. Berisha është kryetari i PD, ne jemi bashkuar me diversitet, ku na bashkon historia e PD”, tha ai.

Gjekmarkaj u ndal dhe te komisionet hetimore të cilat u miratuan nga Kuvendi të enjten e shkuar, ku ha se do të bëhet transparencë për eurot e sterilizimit dhe dritëhijet e tjera.

Ndërsa për Reformën Zgjedhore, tha se do të donte që ajo të reflektonte vërejtjet e OSBE.

“Komisionet hetimore do të bëjnë transparencë, opozita është aty për të bërë transparencë për 200 milionë eurot e Sterilizimit dhe dritëhijeve të tjera. Nëse Parlamenti nuk e voton raportin, në fund dilet me dy raporte dhe është çështje vullneti e mazhorancës për të ruajtur eksponentët e saj. Beteja e opozitës do të jetë e fortë dhe nga pikëpamja morale do jetë betejë e fituar.

Sa i përket Reformës Zgjedhore, do doja që ajo të reflektonte vërejtjet e OSBE që shtohet pas çdo procesi zgjedhor që mazhoranca e Edi Ramës ka bërë këto vite. PD duhet të punojë për të futur në Kushtetutë qeverinë teknike para zgjedhjeve, ku besimi mes palëve është masakruar pas përdorimit të krimit për të mundur opozitën. Shqipëria e ka jetike këtë. Nuk do ta arrijmë me luftë, por do kontribuojmë që shoqëria të bëjë presion dhe të kërkojmë kuptim nga aleatët ndërkombëtare për të arritur një qeveri teknike, jo vetëm për këto zgjedhje, por në fundin e çdo mandati”, u shpreh ai

Continue Reading

Politike

Dy vulat e humbura të PD/Minxhozi: Bashën e keni në letargji

Anëtarja e Kryesisë së PD Taulanda Jupi ndërsa foli për ‘vulën’ e Partisë Demokratike u shpreh se nuk është një çështje që duhet ta zgjidhë gjykata, por sipas saj duhet të merrte një zgjidhje politike.

“Konflikti në PD në mënyrë të pashmangshme ka qenë i shtyrë edhe drejt gjithë kampit opozitar. Gjithmonë kam artikuluar që nuk është një çështje që duhet ta zgjidhë gjykata, por do të duhet të jetë një zgjidhje politike”, tha Jupi.

Ndërsa komentoi letrën e Agron Gjekmarkajt, drejtuar Apelit për vulën e Partisë Demokratike, theksoi se sipas saj nuk ka asnjë vlerë.

“Sot kam reflektuar kur për të disatën herë dëgjoj, do ta quaja deputet, por që nuk përfaqëson qytetarët e Lezhës. E vetmja punë që ka bërë është të ironizojë, me ca shkrime si të “Hostenit”. Sa i përket letrës do thoja nuk ka ndonjë vlerë. PD është partia zyrtare pavarësisht se mbetemi ende në konflikt gjyqësor për vulën dhe logon. Ky konflikt duhet të tejkalohet sepse ky konflikt i PD pasqyron krizën e thellë që është në skenën politike në Shqipëri. Në këtë skenë politikë un shoh të nevojshëm polin e tretë që ka filluar të ngrihet nga PD për të krijuar një pol besimi politik në raport me qytetarin. Prej dy vite e gjysmë janë bërë të gjitha përpjekjet që Komisioni të funksionojë. Mund të gjendet vullneti politik për një reformë zgjedhore që të sigurojë rregulla loje të qarta. Nuk ka sot ende një qëndrim publik, a janë apo jo për lista të hapura?”, tha ajo.

Skënder Minxhozi: Faktorë të ndryshëm politik kanë ide racionale të sakta të mbështetura në ligj. Por duhet të kenë peshën specifike që ndaj palëve të tjera që t’i bindësh. Kreun e partisë e kishit dhe e keni në letargji. Vizita e Blinken në Tiranë, e lëkundi, kartën amerikane. Pa Berishën në fushë Edi Rama e ka të vështirë të bëjë një fushatë elektorale sepse e ka shumë komod zotërinë në fjalë. Pra kjo është e dukshme.

Taulanda Jupi: Ne nuk na ndalon asgjë të shprehim qëndrimet dhe vizionin tonë për një reformë zgjedhore që mundëson mekanizma që respekton vullnetin e qytetarëve.

Continue Reading

Politike

U riktheva për t’u përballur me Edi Ramën dhëmbë për dhëmbë e sy për sy

Nënkryetari i Partisë Demokratike të Rithemelimit, njëherësh dhe nënkryetar i Kuvendit, Agron Gjekmarkaj, është shprehur se vula e PD-së po mbahet peng, ndërsa shton se kjo sagë nuk duhet të vijojë pa fund.

Gjekmarkaj tha se Sali Berisha është kryetari i PD-së dhe se ish-kryeministrit është sot i vetmi politikan në arrest shtëpie pa akuzë dhe pa dënim.

“Në momentet e para mendoj se gjykata ka patur vështirësi dhe është dashur një periudhë qartësie. Kur gjërat u bënë të qarta nuk besoj se kjo sagë duhet të vijojë pafund dhe nuk duhet vetëm paanësi, por dashuri për vendin në mënyrë që opozita të mos mbetet peng pasi ne duhet të përballemi me qeverinë e Edi Ramës. Bonuset e këtij pengu i mban mazhoranca dhe qeveria në një kohë kur gjykata duhet të jepte vendimin prej kohësh. PD duhet të kthehet plotësisht brenda kornizës së saj ligjore dhe t’u përgjigjet qytetarëve dhe mbështetësve.

Unë kam qenë nënkryetar i PD dhe dhashë dorëheqjen për të hapur rrugë që PD të kthehet te bashkimi. E bëra si akt përgjegjësie dhe e pranova sërish pozicionin e nënkryetarit si akt përgjegjësie dhe shans për t’u ri gritur dhe për t’u përballur me Edi Ramën dhëmbë për dhëmbë e sy për sy. Në optikën time aksioni opozitar ka qenë 5 muaj rezistence të paepur dhe dinjitoze, e shëndetshme për demokracinë. 

Këto protesta sollën zgjidhjen e kërkesave të opozitës. Opozita u përball me një rezistencë disa mujore të pazakontë, por konsistente dhe e gatshme të vazhdonte deri në limite, e detyruam qeverinë të tërhiqej dhe parlamenti të kthehej në shinat e Kushtetutës, së bashku me ndërkombëtarët. 

Kjo është e mira e kësaj proteste, ndërkombëtarët njohën opozitën e vërtetë dhe përpjekjen tonë për rikthimin e rregullit në Parlament. Mjafton që të ndizni televizorin për të parë kush është opozita e vërtetë. Janë numrat ato që vendosin dhe që kanë caktuar qartë kush është opozita shqiptare.

Sali Berisha është sot i vetmi politikan në arrest shtëpie pa akuzë dhe pa dënim. Secili mund t’i bëjë pyetje vetes si mund të konsiderohet arrestimi i tij, kur Kushtetua e mbron deputetin nga çdo vendim gjykatash, pa miratim Kuvendi. Kjo ndodhi me Berishën dhe Kuvendi certifikoi atë që gjykata bëri gabim. Berisha është kryetari i PD, ne jemi bashkuar me diversitet, ku na bashkon historia e PD”, tha ai.
Continue Reading

Politike

Zbythja, Ministri i Jashtëm i Greqisë: Beleri, çështje europiane dhe jo mes Greqisë dhe Shqipërisë

Ministri i Jashtëm i Greqisë, Giorgos Gerapetritis tha të mërkurën se rasti i Fredi Belerit duhet të shikohet si një shqetësim europian dhe jo si çështje dypalëshe mes dy vendeve në Ballkan.

“Kjo nuk është (çështje) bilaterale. Nuk është dypalëshe nëse një vend kandidat që aspiron të anëtarësohet në Bashkimin Europian respekton parimet e shtetit ligjor dhe të drejtat politike të qytetarëve të vet. 

Është një çështje europiane dhe duhet ta perceptojmë si të tillë që ta theksojmë në çdo forum”, tha ai për radion Skai.

Ministri grek kritikoi ndër të tjera mandatin e tejzgjatur të Jorgo Goros në krye të bashkisë gati një vit pas zgjedhjeve lokale ku u mund nga Beleri.

Ai e përshkroi këtë situatë si “një fyerje për çdo koncept europian të shtetit të së drejtës”.

Ndër të tjera, mediat greke raportojnë edhe lajmin e ditës së sotme se Goro ka dhënë dorëheqjen nga detyrat e tij pasi Gjykata e Posaçme vendosi arrestimin e tij për shpërdorim detyre.

Continue Reading
Advertisement

TRENDING