Shqipëria do ti kthejë Maqedonisë së Veriut ikonat

Dy qeveritë, ajo e Shqipërisë dhe e Maqedonisë së Veriut kanë firmosur marrëveshjen për kthimin e ikonave ortodokse në Maqedoninë e Veriut. Marrëveshja u përshëndet edhe nga kryeministri i RMV, Dimitar Kovaçevski.

Ministrja e Kulturës së RMV dhe Elva Margariti e prezantuan marrëveshjen si kyçe në fushën e ringritjes së shtetit të së drejtës. Marrëveshja ka si fokus bashkëpunimin ndërmjet  Republikës së Maqedonisë së Veriut dhe Republikës së Shqipërisë për rikthimin e ikonave të trafikuara në vendin e tyre të origjinës.

Ministrja maqedonase: Falenderoj të gjithë, epilogu ka rëndësi, Konventa e Unesco-s duhet të zbatohet. Kthimi i ikonave në shtëpi duhet të zbatohet. Raportet tona ndërtohen me vite, të dy shtetet e kanë rrugën drejt Evropës si kyçe.

Elva Margariti: Nuk do të shtoja shumë fjalë pas koleges por është domethënëse që pagëzojmë këtë mbledhje me një gjest të tillë. Lidhjet tona janë të forta, simbolika e këtij akti tregon se Shqipëria dhe Maqedonia e rendisin veten në krah të vendeve të drejta dhe evropiane, kjo për mua është fryt i një pune të gjatë të zhvilluar mes dy vendeve. është një dialog i gjatë mes dy vendeve. Kjo marrëveshje ka vlerë. Kthimi i ikonave tregon për trashgiminë tonë. Nuk do të bëjmë vetëm përafrimin e kuadrit ligjor. Anglia, Turqia dhe plot vende të tjera janë duke marrë këtë nismë. Akti është me rëndësi për të dyja vendet.

Dimitar Kovaçevski: Besimtarët ortodoksë mund të kënaqen dhe bashkë me ta edhe turistët. Turistët do të mahniten me bukurinë e tyre dhe do të qendrojnë para tyre.