Shqiptarët janë populli më mosbesues i Evropës

Qytetarët shqiptarë janë populli që i besojnë më pak njëri-tjetrit në të gjithë Evropën. Bëhet fjalë për përqindjen e popullsisë në Evropë e cila pajtohet se “shumica e njerëzve mund t’u besohet”.

Danezët janë populli më në mirëbesim në Evropë, ku 74 për qind e të anketuarve u pajtuan se mund t’u besohet shumicës së njerëzve.

Ky ishte përfundimi i dy programeve kërkimore Studimi i Vlerave Evropiane (EVS) dhe Anketa e Vlerave Botërore (WVS).

Të dyja programet përfshijnë një numër të madh pyetjesh, të cilat janë përsëritur që nga fillimi i viteve tetëdhjetë.

Sondazhe të mëparshme

Besimi te njerëzit e tjerë ishte relativisht i lartë në 14 ekonomi të përparuara të anketuara nga Pew Research Center verën e vitit 2020.

Por ndërsa një mesatare prej 62 për qind e të rriturve në këto vende përgjithësisht besojnë se shumicës së njerëzve mund t’u besohet, ka dallime domethënëse në këto pikëpamje sipas moshës, arsimit dhe faktorëve të tjerë, sipas një analize të re të gjetjeve nga sondazhi.

Në përgjithësi, besimi personal është më i lartë në Danimarkë, ku 86 për qind thonë se shumica e njerëzve në përgjithësi mund të besohen.

Shumica në 10 vende të tjera pajtohen, duke përfshirë rreth shtatë në dhjetë ose më shumë në Holandë, Kanada, Suedi, Australi dhe Britani.

Njerëzit janë më të ndarë në Spanjë dhe Francë, ku respektivisht 53 për qind dhe 50 për qind, thonë se shumica e njerëzve të tjerë mund të besohen.

I vetmi vend ku më pak se gjysma e të anketuarve thonë se shumica e njerëzve janë të besueshëm është Italia, ku 43 për qind e kanë këtë mendim.

Një sondazh i ri i Ipsos zbuloi në vitin 2022 se, mesatarisht në 30 vende, 30 për qind e të rriturve thonë se shumica e njerëzve mund të besohen.

Midis këtyre vendeve, besimi ndërpersonal është më i lartë në Kinë dhe Indi, ku 56 për qind thonë se shumicës së njerëzve mund t’u besohet, dhe më i ulëti në Brazil, Malajzi dhe Turqi, ku më pak se 15 për qind thonë kështu.

Sondazhi u krye midis 22 mijë e 534 të rriturve nën moshën 75 vjeç, i kryer midis 18 shkurtit dhe 4 marsit 2022 në platformën e sondazhit online të Ipsos Global Advisor.