Connect with us

Kosova

Shtatëmbëdhjetë viktima dhe 557 raste të reja me koronavirus në Kosovë

Në Kosovë u raportuan të martën 17 viktima nga koronavirusi dhe 557 raste të reja pozitive.

Instituti Kombëtar i Shëndetësisë Publike tha se rastet e reja rezultojnë nga testimi i 1,541 mostrave.

Numri më i madh i tyre është në Komunën e Prishtinës: 217.

Instituti raportoi edhe për 727 pacientë të shëruar nga koronavirusi.

Me këto shifra, numri i përgjithshëm i të infektuarve në Kosovë arrin në 43,881, i viktimave në 1,137 dhe i të shëruarve në 30,157.

Raste aktive aktualisht janë 12,587.

Advertisement
Click to comment

Leave a Reply

Your email address will not be published. Required fields are marked *

Kosova

Greqia është gati, Spanja po lëviz/ Joseph hap dosjen e njohjeve të Kosovës

Profesori amerikan, Edward Joseph e sheh të zymtë situatën në Ballkan pas agresionit të Rusisë në Ukrainë. SHBA-ja dhe BE-ja, sipas tij, duhet tani të avancojnë drejt njohjes ndërkombëtare të Kosovës dhe ta detyrojnë Serbinë të pranojë e rendin perëndimor. Kjo, tha Joseph, do ta izolonte Putinin dhe do t’i jepte më shumë siguri Ukrainës.

Profesori amerikan shkruan se SHBA-ja dhe BE-ja nuk kanë arritur të kapin mundësië  dhe nevojën e krijuar nga pushtimi i Putinit, për të mbyllur mosmarrëveshjet e trashëguara etno-kombëtare nga kolapsi i Jugosllavisë tri dekada më parë.

“Më kryesorja ndër këto çështje të pazgjidhura është refuzimi i Serbisë për të njohur pavarësinë e vitit 2008 të ish-krahinës së saj, Kosovës” –  shkruan Joseph dhe theksoi se mungesa e zgjidhjes së këtij problemi është pengesa kryesore që e ka vonuar prej kohësh integrimin euroatlantik të të dyja vendeve.

Ai tha se “leva e Serbisë mbi Kosovën” po e lejon presidentin serb, që ta izolojë Prishtinën”, gjë që ai thotë se e ka prioritet, dhe “të vazhdojë falsitetin e tij” të “ekuilibrit” midis BE-së dhe Hungarisë, Kinës e Rusisë.

“Zyrtarët amerikanë duket se janë të kënaqur me dorëheqjen e Aleksandër Vulinit, ish-shefi famëkeq i inteligjencës serbe”, porse ai vazhdon të shfaqet nëpër mediat serbe duke proklamuar “Serbinë e Madhe” – ka theksuar Joseph.

“Operacioni Banjska tregoi se Beogradi zyrtar, me miratimin e mundshëm të liderit autokrat, Vuçiç , kishte plan për të ndryshuar me force status quo-në në Kosovë. Që një përpjekje e tillë e pacipë do të ndodhte në një territor të mbrojtura nga NATO, duke përfshirë edhe trupat amerikane, tregon për një humbje dramatike të respektit për autoritetin perëndimor” –  shkruan profesori amerikan.

Siç shpjegoi Joseph, “ngërçi në Kosovë është zgjatur nga përçarjet europiane për pavarësinë e Kosovës”.

“Me mbështetjen aktive të Rusisë, Beogradi mund të vazhdojë status quo-në, duke e izoluar Kosovën deri sa BE dhe SHBA të pranojnë përfundimisht ndarjen e veriut,  strategji kjo,  jo ndryshe nga ajo e Putinit në Ukrainë” – ka deklaruar Edward Joseph

Sipas profesorit, ka dy mënyra për SHBA-në dhe partnerët kryesorë të BE-së për “ta rikuperuar besueshmërinë e tyre të dëmtuar dhe për të rivendosur ekuilibrin.

“Së pari, duhet që “Beogradi të respektojë sanksionet e BE-së dhe të mbyllë RT dhe ‘Sputnik Serbia’, dhe së dyti, SHBA dhe partnerët kryesorë të BE-së  të inkurajojnë Ukrainën që ta njohë Kosovën, pasi njohja e Prishtinës nga Kyivi do siguronte katalizatorin për njohjen uniforme të Kosovës në NATO” – ka shkruar Joseph duke potencuar: –  “njohja nga Ukraina do t’ia jepte Athinës kontekstin që zyrtarët grekë thonë se duhet ta njohin Kosovën” dhe hapet mundësia që Kosova të marrë njohje edhe nga Spanja”

Madridi mund të lëvizë drejt njohjes së plotë, nëse Keivi së bashku me Athinën dhe vendet tjera mosnjohëse do ta ndryshonin pozicionin e tyre” –  ka shkruar profesori amerikan, duke potencuar: – Iluzioni se Vuçiç do  bashkëpunojë, është një dështim i dëshmuar. Avancimi i njohjes uniforme të Kosovës në NATO (në radhë të parë),  më në fund do ta sjellë Serbinë në pranimin e rendit perëndimor, duke e lënë Putinin më të izoluar dhe Ukrainën më të sigurt”

Continue Reading

Kosova

Vuçiç i rrethuar nga CIA/ Mesazhi i koduar i presidentit serb që nuk po kuptohet as nga rusët

Aleksandër Vuçiç nuk i ka mbyllur “hesapet” me ndërkombëtarët, pavarësisht bisedës së hapur dhe të gjatë.

Presidenti i Serbisë njoftoi se do të ketë sërish një takim tjetër me ambasadorët e vendet të Quint-it në Beograd. Me ambasadorin amerikan, Christopher Hill, dhe përfaqësuesit diplomatik të Francës, Italisë, Britanisë, Gjermanisë dhe BE-së, ka folur për Kosovën, konkretisht për avancimin drejt anëtarësimit në NATO dhe për aplikimin për pranim në Këshillin e Europës.

Lidhur me këto zhvillime, përmes rrjetit social Instagram, lëshoi një valë kërcënimesh të rrezikshme në drejtim të Kosovës. Madje në një prej tyre ka lëshuar një provokim duke publikuar një imazh me djalin e tij që mban veshur një bluze me hartën e Kosovës të ngjyrosur me flamurin serb, në të cilin shkruhet “Nuk ka dorëzim”.

“Për momentin nuk është e lehtë të thuhet se çfarë lajmesh kemi marrë në 48 orët e fundit. Ato kërcënojnë drejtpërdrejt interesat jetike kombëtare të Serbisë dhe Republika Srpska. Në ditët në vijim do ta njoh popullin e Serbisë me të gjitha sfidat që na presin. Do të jetë e vështirë, më e vështira deri tani. Ne do të luftojmë, Serbia do të fitojë”, tha presidenti serb.

Russia Today, një media që shpërndan propagandën e Kremlinit, e konsideron këtë një mesazh të fshehtë të Vuçiçit, ndërsa vë theksin tek fjalia që “Serbia do të luftojë”, duke shprehur habi për mungesën e detajeve në këtë drejtim. Valës së kërcënimeve ndaj Kosovës iu bashkua dhe ministri serb i mbrojtjes, Millosh Vuçeviç.

“Duhet të shikojmë në nivelin politik dhe diplomatik për të bërë gjithçka që mundemi, dhe sigurisht shteti i Serbisë ka përgjigje adekuate për të gjitha situatat e mundshme, edhe në lidhje me atë që do të ndodhë në Këshillin e Evropës, në mënyrë që të mos ecë përpara dhe të mos detyrohemi të bëhemi heroikë. Do të shohim se cilat janë interesat shtetërore dhe kombëtare të Serbisë dhe si t’i mbrojmë në këto kushte pothuajse të pamundura”, u shpreh Vuçeviç.

Ndërkohë, në skenën politike të Beogradit është rikthyer sërish Aleksandër Vulin, i cili pretendon se në rrethin e Vuçiçit ka njerëz që punojnë për CIA-n amerikane dhe jo në të mirë të Serbisë.
Continue Reading

Kosova

Kosova ka ende miq të fortë, Gogiç mes analizës dhe dëshirave

Politologu serb Ognjen Gogiç beson se Kosova ka shumë për të bërë para se të bëhet anëtare e Këshillit të Evropës pas votimit pozitiv në Komisionin e Asamblesë Parlamentare dhe theksoi se anëtarësimi eventual do  tregonte se për shkak të Kosovës po krijohen vazhdimisht precedentë.  Sipas tij, vendet që po bëjnë presion për anëtarësimin e Kosovës në Këshillin e Evropës do t’i bëjnë presion Serbisë që ajo ta pranojë këtë fakt.

Sipas tij, votimi në Komisionin Europian tregoi se Kosova ka ende miq të fortë në bashkësinë ndërkombëtare, në radhë të parë në Gjermani dhe SHBA, por se këtu fokusi është ende tek ato vende evropiane që po kujdesen për ta shtyrë Kosovën në Këshillin e Evropës, pavarësisht nga të gjitha procedurat.

“Këshilli i Evropës po heq dorë nga kriteret e tij për anëtarësim, si dhe nga kriteret e vendosura për Kosovën në përgjithësi. Asnjëherë në historinë e kesaj organizate nuk ka ndodhur që të ketë neglizhuar trashëgiminë dhe praktikën e ligjore, për të hapur vend për Kosovën” – deklaroi Gogiç, I cili beson se megjithatë rruga për Kosovën do të jetë më e gjatë nga sa pritet sepse, siç theksoi ai, pas këtij vendimi, do të diskutohet edhe në Asamblenë Parlamentare të Këshillit të Evropës, e cila, siç thuhet, mund të ketë votim tjetër, pasi nuk është  plotësisht e drejtuar dhe e kontrolluar.

“Vendimi i djeshëm do të sjellë mosmarrëveshje brenda Këshillit të Evropës” – theksoi analisti Gogiç

Continue Reading

Kosova

Ditë zie në Serbi, pas fitores së Kosovës në testin e parë për në KiE

Ministri i Punëve të Jashtme i Serbisë, Ivica Daçiç ka thënë se vendimi i Komisionit Politik të Asamblesë Parlamentare në lidhje me rekomandimin për pranimin e Kosovës si anëtare në Këshillin e Evropës, është i turpshëm dhe skandaloz.

“Vendimi i Komisionit Politik të Asamblesë Parlamentare të Këshillit të Evropës për rekomandimin për pranimin e Kosovës në Këshillin e Evropës është i turpshëm dhe skandaloz, që shkatërron të gjitha parimet mbi të cilat mbështetet Këshilli i Evropës, sepse për herë të parë pranimi i një territori që nuk është anëtar i Kombeve të Bashkuara dhe që nuk njihet ndërkombëtarisht, është propozuar për tu anëtarësuar.  Ai vendim kërcënon dhe cenon integritetin dhe sovranitetin tonë territorial dhe paraqet një tjetër dëshmi të dështimit të së drejtës ndërkombëtare” – theksoi Daçiç.

Nga ana tjetër, Ministrja e Punëve të Jashtme dhe Diasporës, Donika Gërvalla- Schwarz, ka reaguar pasi Kosova ka kaluar me sukses hapin e parë në synimin për anëtarësim të plotë në Këshillin e Evropës.

“Në Paris u miratua me shumicë mbresëlënëse votash opinion I Dora Bakojanis, që rekomandon anëtarësimin e Kosovës në Këshillin e Evropës pa asnjë kusht shtesë. Të gjitha propozimet për vendosjen e parakushteve të ndryshme janë refuzuar.

Ajo ka thënë se tani është e hapur rruga për votim në Asamblenë Parlamentare, në mesin e muajit prill.

Suksesi, tha Gërvalla “është rezultat jo vetëm i punës së palodhur të institucioneve të Republikës sonë dhe mbështjetjes kolosale të miqve të shumtë të Kosovës”.

Kryediplomatja ka shkruar se “Kosova është e gatshme dhe e përgatitur për t’u anëtarësuar në Këshillin e Evropës” dhe se “opinioni kërkon largimin e fusnotës, që nga viti 2008 është përdorur gjithmonë kur është përmendur Kosova në KiE.

Continue Reading

Kosova

Do na njihni më 5 maj, Dodik dhe Vuçiç përgatisin surprizën e hidhur

Teksa presidenti serb, Aleksandër Vuçiç ka paralajmëruar, si shumë herë më parë, se ‘Serbinë e presin ditë të vështira’, dhe se ‘Perëndimi po kërcënon drejtpërdrejt interesat jetike kombëtare të Serbisë’, Ivana Stradner, nga Fondacioni për Mbrojtjen e Demokracisë në Washington, ka thënë se “dita më interesante do të jetë 5 maji, kur Dodik dhe Vuçiç do  përgatisin një event për të shpallur zyrtarisht ‘Botën Serbe’, ku të gjithë serbët do të jetojnë në të njëjtin kuadër kulturor të quajtur, njëjtë si fjalimi i Millosheviçit në vitin 1989.

Sipas Stradner, pas deklarimit të presidentit serb, shumë njerëz u trembën, duke menduar se do ishte ndonjë provokim lufte, pasi Ballkani sot është kthyer në vatër të teorive konspiracioniste që po i mbjell Moska për të shkaktuar edhe më shumë kaos.

Teoria më e zakonshme që po qarkullon, theksoi Stradner, është se deklarata e Vuçiçit lidhet me vendimin e Përfaqësuesit të Lartë gjerman në Bosnje dhe Hercegovinë, Christian Shmit, për ndryshimin e ligjit zgjedhor.

Sipas ish-shefit të inteligjencës, non grates Aleksandër Vulin, një tjetër teori është se në prill, OKB planifikon të diskutojë një rezolutë për gjenocidin në Bosnje, e cila do jetë sipas tij, “finalizimi i komplotit kundër serbëve”.

Natyrisht, Rusia nuk i humb kurrë mundësitë për t’i hedhur edhe më shumë benzinë ​​zjarrit. Ata pretendojnë se aeroplanët bombardues dhe të tjerë, po fluturojnë mbi Bosnjë dhe Hercegovinë dhe po spiunojnë.

Natyrisht, ka teori konspirative edhe për vrasjen e Millard Dodik, udhëheqësit serb të entitetit Republika Srpska që kërcënon të shkëputet.

Gjithashtu, këtë e ka paralajmëruar edhe ish-kreu i BIA-s, i cili ka lidhje shumë të ngushta me Rusinë.

Continue Reading
Advertisement

TRENDING