Si të shpëtoni përgjithmonë nga aknet?

Aknet janë një gjendje kronike e lëkurës në të cilën gjëndrat dhjamore prodhojnë sasi të tepërt të sebumit, duke çuar në bllokimin e poreve. Por poret e bllokuara janë vetëm fillimi. Aknet nuk janë thjesht një problem estetik ndaj është e rëndësishme që të konsultoheni me një mjek dermatolog.

Çfarë duhet të bëni?

Flini më shumë dhe përpiquni të reduktoni stresin

Ndoshta nuk do t’ju habisë që aknet janë të radhës në listën e problemeve që mund të përkeqësohen nga stresi. Inflamacioni ushqehet nga hormonet (si kortizoli dhe androgjenët) që prodhohen në sasi të mëdha gjatë stresit dhe gjithashtu mund të stimulohen nga substancat e prodhuara drejtpërdrejt në lëkurë në përgjigje të stresit.

Si të reduktoni stresin në jetën e përditshme?

Ushtrimet fizike janë një qetësues i madh i stresit. Ecni rregullisht, vraponi, ushtroni në shtëpi ose në palestër, kërceni, notoni, çfarëdo që ju pëlqen. Stresi mund të reduktohet nga aktiviteti fizik aerobik dhe anaerobik. Flini të paktën 7 orë në ditë. Gjumi i pamjaftueshëm konsiderohet një faktor kryesor stresi.

Si të kujdeseni siç duhet për lëkurën?

Mos e prekni fytyrën tuaj më shumë seç duhet. Mos i kaloni duart e pista mbi fytyrën tuaj – mos i irritoni puçrrat pa nevojë. Idealisht, përdorni pastrues që janë etiketuar si të përshtatshëm për lëkurën e prirur ndaj akneve. Kozmetika e zgjedhur në mënyrë jo të duhur mund të mbështesë proceset inflamatore.

Gjithashtu shmangni vajrat esencialë dhe kozmetikën me bazë vaji, pasi vaji bllokon poret. Pas larjes, thjesht thajeni fytyrën, mos e fërkoni. Mundohuni të përdorni sa më pak kozmetikë, kufizoni veten në aplikimin e grimit dhe përdorimin e kremrave.