SIGAL përforcon pozitat, lider absolut në tregun e sigurimeve

Autoriteti i Mbikëqyrjes Financiare (AMF) publikoi në mesjavë raportin e tremujorit të parë të vitit 2025 për tregun e sigurimeve në Shqipëri. Nga të dhënat e këtij raporti, SIGAL mbetet kompania lidere, si në sigurimet e jetës, ashtu edhe në ato të jo-jetës.

Sipas raportit të AMF-së, vëllimi i përgjithshëm i tregut të sigurimeve u rrit me 7.09%, duke arritur në 5,598,428,000 lekë për periudhën janar-mars 2025. Kompania kryeson për primet e shkruara bruto dhe për dëmet e paguara. Në treg, prime të shkruara bruto në sigurimet e jetës shënuan një rritje prej 13.67%. Vëllimi arriti në vlerën 530,828,000 lekë, ndërsa në sigurimet e jo-jetës u regjistrua një rritje prej 6.45%, në vlerën 5,063,620,000 lekë. Ndërkohë, dëmet e paguara ranë me 3.77%, duke u regjistruar në 1,920,827,000 lekë.

SIGAL vijon të mbajë pozitat e para në treg. Kompania zotëron 33.83% të tregut në produktet e sigurimeve të jetës dhe 25.32% në sigurimet e jo-jetës, sipas primeve të shkruara bruto.

Në dëmshpërblime, SIGAL pagoi më shumë se çdo kompani tjetër në vend. 434,943,000 lekë pagoi SIGAL në sigurimet jo-jetë dhe 34,493,000 lekë në sigurimet e jetës, respektivisht 25.32% dhe 33.83% të totalit të dëmeve të paguara në tremujorin e parë të vitit. Kjo prani në kohë rekord dhe shifrat konkrete për t’i ndihmuar qytetarët të rikthen në situatat e para demit, e bën prej 26 vitesh SIGAL kompaninë lidere në treg. 

Për më shumë informacion Telefono në 0800 31 31 në çdo kohë, për të ditur më shumë mbi produktet! Shkruaj nëpërmjet Whatsapp: 0686062829. Porosite paketën që të duhet online në sigal.com.al