Sinjale për bashkim para zgjedhjeve, Kulluri tregon tre kushtet për Berishën

Partia Demokratike e drejtuar nga Lulzim Basha ka dhënë sinjalet për bashkimin e demokratëve, para zgjedhjeve parlamentare të 2025-sës.

Këtë gjë e bëri të ditur sekretari për Marrëdhëniet me publikun në PD Edvin Kulluri. Në një intervistë për edicionin e lajmeve në Vizion Plus me Aleksandër Furxhiun, Kulluri tegoi edhe kushtet për Berishën.

Sipas tij, ky i fundit nuk duhet ta quaj veten kryetar të PD-së, mos e quaj pjesën e demokratëve që drejton si opozitën e vetme dhe të heqë dorë nga sulmet dhe shantazhet verbale.

Ndërsa komentoi paraqitjen e Berishës në SPAK, Kulluri tha se ai po jep shembullin më të keq të një politikani duke sulmuar prokurorët, teksa shtoi se mbështetja e demokratëve ndaj ish kryeministrit është shumë e ulët.