S’ka më dyshime, Ronaldo i thotë ‘PO’ Napolit

Cristiano Ronaldo është shumë afër largimit nga “Old Trafford”, ndërsa gjithmonë e më afër rikthimit në Serie A.

Tashmë nuk mund të quhen më aludime apo zëra merkatoje, por pista e kalimit të CR7 te Napoli është konkrete.

Sipas “Corriera della Sera”, ish-sulmuesi i Real Madrid ka dhënë dritën jeshile për një kalim në “Maradona”, ku do të kishte mundësinë të luante në Champions League.

Sipas burimit në fjalë, 37-vjeçari mund të huazohet falas te napolitanët dhe 80-85% të pagës së tij prej 24 milionë euro neto në sezon të paguhet nga “Djajtë e kuq”.

Aktualisht me fanellën e United në Premier League, Ronaldo është aktivizuar gjithsej në 4 ndeshje, ku në 3 raste e ka nisur nga stoli duke mos shënuar dhe asistuar dot asnjëherë.