Sot 29 Nëntori, përkujtohet 78-vjetori i Çlirimit të Shqipërisë

Ditën e sotme festohet 29 Nëntori, 78-vjetori i Çlirimit të Shqipërisë nga forcat fashiste italiane e gjermane. Por këtë datë politika e feston të ndarë, pasi e djathta feston 28 nëntorin si ditën e Pavarësisë dhe të Çlirimit, ndërsa 29 nëntori është festë vetëm për të majtën. Gjatë Luftës së Dytë Botërore, Ushtria Nacinal Çlirimtare e Shqipërisë zhvilloi kryengritje të armatosur kundër okupimit të Shqipërisë. Prej 7 prillit të vitit 1939 Shqipëria kishte qenë e pushtuar nga Italia fashiste dhe pas kapitullimit të saj, në vjeshtë të vitit 1943, Shqipëria pushtohet nga forcat gjermane.  Në fund të nëntorit 1944, pas Çlirimit të Tiranës, më 17 nëntor dhe pjesës kryesore të Shqipërisë së Veriut, mbetej te çlirohej qyteti i Shkodrës dhe qarku i tij. Shkodra u çlirua më 29 nëntor të vitit 1944, datë kjo e cila shënon ditën e çlirimi të Shqipërisë. Shqipëria është vendi i parë në Ballkan që u çliruan me forcat e veta, ndërsa të gjitha shtetet e tjera të Ballkanit u çliruan me ndihmën e Armatës së Kuqe.

Kryeministri Edi Rama ka uruar, 29 Nëntorin, Ditën e Çlirimit.

“GËZUAR DITËN E ÇLIRIMIT”, shkruan Rama në një postim në Facebook, krah fotos së monumentit “Nëna Shqipëri”.

29 Nëntori është dita dita kur përkujtohet largimi i ushtrisë naziste nga Shqipëria. Ndërkohë, këtë 28 Nëntor Shqipëria kremtoi 110-vjetorin e Pavarësisë.