Tajfuni i luftës dhe projekti megaloman për bashkimin e të gjithë serbëve

“Deklarata të shumta burojnë nga gënjeshtra e kahershme se Serbia nuk ka shkuar kurrë në luftë dhe as nuk ka udhëhequr kurrë luftëra pushtuese” – keshtu janë shprehur bashkëbiseduesit e medias serbe ‘Danas’, duke komentuar fjalët e presidentit serb Aleksandër Vuçiç, gjatë Parlamentit të mbarëserb, se “Ndaj popullit serb u bënë krime të tmerrshme dhe të shumta, dhe se ne për agresorët ishim dëm kolateral”.

Në Sheshin e Republikës , të shtunën, më 8 qershor, në Parlamentin e parë gjithëserb “Një komb, një parlament, Serbia dhe Srpska”,  Vuçiç tha se po jetojmë në kohë të vështira.

“Po jetojmë në kohë të vështira, jo për fajin tonë. Nuk ishim ne qe i filluam luftërat në botë, por disa të tjerë i filluan. Ne ishim dëm kolateral dhe sot mund ta kuptojmë më mirë se të tjerët se sa e rëndësishme është liria dhe pavarësia e vendit” – pati theksuar presidenti serb.

Nikola Krstiç me profesion gazetar, ne lidhje me kete u shpreh se Vuçiç nuk është as i pari dhe as i fundit që fsheh të kaluarën kriminale të luftës së Serbisë.

“Në fakt gjërat janë shumë të qarta dhe të dhimbshme: shteti i Serbisë është më përgjegjësi për luftërat që ndodhën gjatë dekadës së fundit të shekullit të kaluar. Ishte ajo që pati projektuar, organizuar dhe koordinuar të gjitha krimet kundër kroatëve, boshnjakëve, shqiptarëve, por edhe qytetarëve të tjerë të papërshtatshëm të atij vendi” – deklaroi Krstiç.

Sipas tij, Sllobodan Milloshevici, ish-president i Republikës Federale të Jugosllavisë dhe kamarillat e tij në pozicionet më të larta, nisën një tajfun lufte që shkatërroi gjithçka përballë tyre. Pikërisht për shkak të projektit të tillë megaloman për bashkimin e të gjithë serbëve në një shtet, ne ende nuk mund të qetësohemi dhe të vijmë në vete, por vazhdojmë të zhytemi në atë gjak si derrat në baltë” –  theksoi gazetari serb.

Nga ana tjetër, Aida orović , aktiviste për të drejtat e njeriut, tha se nuk mund të thuhet asgjë tjetër për deklaratën e Vuçiçit, përveçse të citohet një fjalë e urtë e vjetër popullore: Të gjithë gërvishten aty ku iu kruhet.

“Vuçic e di shumë mirë se çfarë ka bërë dhe ku ka qenë në vitet 90’ dhe shumë prej nesh e dinë për fatkeqësitë qe ai mbolli, kështu që të gjitha ato që ai hedh ne ajër dhe flet marrëzi janë kot” – deklaroi Ćorović duke shtuar se Vucic është bashkëpunëtor në krimet e luftës, ka qenë pjesë e një bande kriminale dhe një plani kriminal, dhe për fat të mirë ka mjaft artefakte që e vërtetojnë qartë këtë.

“Pra, ai mund të gënjejë dhe të rrotullohet per kënaqësinë e tij dhe mund të bindë elektoratin di edhe të gënjejë veten, por nuk mund ta fshehë të vërtetën,”  – theksoi Ćorović

Për Sofija Todoroviçin, drejtoreshën e Nismës Rinore për të Drejtat e Njeriut, deklarata te tilla janë bërë rregull në hapësirën politike serbe, aq më tepër që nuk thuhet se kush janë këta “të tjerët”.

“Bisedat që fillojnë në këtë mënyrë zakonisht nuk çojnë askund dhe nuk synojnë një bisedë thelbësore për të kaluarën që i nevojitet te gjithë rajonit,”  – deklaroi  Todoroviç duke shtuar se deklarata te tilla përdoren me sukses për të mbuluar të verteten. Kjo është mënyra se si ne e trajtojmë përgjegjësinë që i takon “anës sonë” me genjeshtra te tilla se “krime të shumta të huaja u kryen kundër popullit tonë dhe se ne ishim kolateral për agresorët, sic edhe theksoi Vucic ne kuvendin gjitheserb, kjo eshte per te ardhur keq”

Aleksandër Olenik, anëtar i kryesisë së LSV Vojvođani, duke u ndalur te fjalët e presidentit serb Aleksandër Vuçiç, gjatë Parlamentit të mbarëserb, se “Ndaj popullit serb u bënë krime të tmerrshme dhe të shumta, dhe se ne për agresorët ishim dëm kolateral”, tha se para së gjithash nuk është e vërtetë ajo që ka thënë presidenti Vucic.

“Ai e paraqet veten si viktimë, duke u përpjekur të fshehë krimet e tij, te parties se tij dhe krimet e shefit të tij, Sllobodan Millosheviç” – ka theksuar Olenik, sipas te cilit, luftërat filluan sepse Sllobodan Millosheviqi, duke parë se ra Muri i Berlinit dhe se komunizmi po binte, për të qëndruar në pushtet, mori ne duar nacionalizmin serb, filimishte duke shkatërruar autonominë e Vojvodinës perms sigurimit te shtetit, me revolucion dhe force

 “Pastaj tentoi të bëjë të njëjtën gjë në Kosovë, por nuk ia doli dhe nxori tanket në rrugë”. Njerëzit nuk e kane harruar. Në fund të viteve 1988/89, autonomia e Kosovës, e cila ishte e njëjtë me atë të Vojvodinës, u shtyp me tanke. Ai pushtoi Vojvodinën dhe Kosovën me dhunë. Pastaj mori sistemin e pagesave të Republikës Socialiste Federative të Jugosllavisë, mori paratë, flukset e pagesave dhe shtiu në dorë Ushtrinë Popullore Jugosllave, gjithashtu me dhunë. Pra, ai u përpoq me forcë të qëndronte në pushtet si nacionalist, edhe pse nuk ishte as nacionalist dhe as komunist” –  kujtoi Olenik.

“Ato tanke në Kosovë ishin arsyeja pse ka pasur luftë në Kosovë dhe pse na kanë bombarduar. Nuk ka tjeter arsye veçse Millosheviqi dhe politika e tij. Politika e Milloshit në Bosnje dhe Hercegovinë bëri të njëjtën gjë, me ndihmën e togerëve të tij Sheshel, Vuçiç, Daciq e të tjerë. Vuçic mori pjesë në atë politikë edhe si ministër i Informacionit dhe e përkrahu politikën e  Serbisë së Madhe, e cila çoi në luftë në ish-Jugosllavi, në 150 mijë të vdekur, në gjenocid. Kjo është politika që ai e ka zbatuar atëherë kur ishte i ri dhe që po e zbaton edhe tani” – theksoi Olenik duke shtuar se debakli i asaj politike të botës serbe ndodhi ne kuvendin gjitheserb.

“Ai e di se në çfarë ka marrë pjesë, e di se ka shumë prej nesh që e mbajmë mend dhe që do ta thonë te verteten. Ai përpiqet të bindë të rinjtë që nuk e dinë, Vucic ben veten viktimë per ten a thene se per cfare ka ndodhur, nuk është personalisht përgjegjës.

Nuk e kam fjalën për përgjegjësinë penale, sepse ai nuk ka bërë krime, por ka përgjegjësi politike, njerëzore, në formën e humbjes së zgjedhjeve dhe ndalimit të përfshirjes në politikë, ketu kam parasysh lustracionin. Ai po mbron fjalë për fjalë veten dhe të gjithë ata që zbatuan atë politikë, sepse ata janë fajtorë, sepse janë kriminelë, duke u përpjekur të fshehin të gjitha cfare ka ndodhur” – ka pohuar Olenik.

Kur u pyet se si dikush tjetër mund të jetë agresor nëse ka një luftë në Kroaci dhe Bosnje, dhe çfarë po bënte ushtria serbe atje, ai deklaroi:

“Shkuam të mbjellim lule?” Kush është agresori? Këto janë gjëra që nuk janë zgjidhur asnjëherë në Serbi dhe po krijohet edhe më shumë konfuzion që të mos e marrim vesh kurre” – u shpreh Olenik dhe sipas tij, Vojvodina mund të jetë objektivi i rradhës.

“Meqenëse gjithçka filloi nga Vojvodina, mendoj se gjithçka do të duhet të përfundojë me rivendosjen e autonomisë së Vojvodinës. Kosova nuk është më nen Serbi, por Vojvodina është, do të mbetet në Serbi, por do të duhet të ketë autonominë e ripërtërirë që Millosheviçi e hoqi me dhunë” – potencoi  Olenik.