Takimi Kurti-Vuçiç/ Emisari: Do diskutohen edhe gjëra të tjera

“Pritshmëritë tona janë goxha të larta”, tha emisari europian Miroslav Lajcak për takimin e së hënës mes Kryeministrit Albin Kurti dhe Presidentit serb, Aleksandër Vuçiç, të cilin ai vet do ta ndërmjetësojë.

“Ne presim që, pikë së pari, të dy liderët zyrtarisht dhe publikisht ta pranojnë propozimin dhe më pas mund të angazhohemi në zbatimin e tij, për t’u siguruar se gjithçka e pritshme është po ashtu edhe e zbatueshme. Kjo është çka presim nga takimi i së hënës”.

Lajcak theksoi se Kurti dhe Vuçiç janë detajisht të njoftuar me atë që  përmban propozimi evropian dhe se në Konferencën e Mynihut, që u mbajt javën e kaluar, u është thënë qartazi se çfare Perëndimi pret prej tyre.

I pyetur nëse Asociacioni i komunave me shumicë serbe do të jetë në agjendën e takimit të së hënës, Miroslav Lajcak u shpreh:

“Në agjendë është propozimi europian. Dhe, propozimi përmban nivelin e përshtatshëm të vetëmenaxhimit për komunitetin serb në Kosovë, por ka edhe gjera te tjera” –tha emisari I Bashkimit Europian