“Talo e qëlloi me thikë…” – Nuredin Dumani rrëfen si i kërkuan vrα”sjen e një gruaje

I penduari i drejtësisë Nuredin Dumani risolli edhe njëherë para gjykatës ngjarjet kriminαle ku është përfshirë duke nisur nga eliminimi i Fatmira Dedës, një nëne që kërkonte drejtësi.

“M’u lutën për vrasjen e Fatmira Dedës” – kujtoi i penduari duke akuzuar Festim Qolin, i cili po shqetësohej nga gruaja sepse ajo kërkonte nga drejtësia gjetjen e autorëve që i vranë të birin Ervisin. Për ta vrarë nënën e tij, Dumanit iu premtuan 40 mijë euro, i cili tha se gjeti si ndihmës Talo Çelën.

Ky i fundit, megjithëse vlerësoi se krimi kushtonte më tepër vendosi ta mbyllë porosinë me parashikimin se do ju duheshin për punët e tjera.

Me një përshkrim të detajuar ku ekspozohet forca brutale e grupit, dhuna dhe nga ana tjetër qytetarët që përpëliteshin nën sulmet e armatosura, Nuredin Dumani nxori nga kujtesa rolin e secilit.

Për Festim Qolin u shpreh se do t’i njoftonte përmes fjalës kyçe “erdha”, sapo të konstatohej se gruaja po afrohej me automjetin e saj.

“Talo e qëlloi me thikë që mos të ngjante si vrasje me pagesë por të dukej si grabitje”. Gruaja bërtiti derisa sa dha shpirt.

Njësoj kishte bërtitur edhe kambisti Xhemal Liçi që u sulmua me leva nga Ilirian Feci, Talo Çela dhe Gentian Sharra.

“Një moment Talo e qëlloi në fytyrë dhe ai ra përtokë. Nuk foli vetëm rënkoi” – kujtoi Dumani për 60-vjeçarin. Anëtarët e grupit u përshkruan njësoj të dhunshëm edhe për grabitjen e një kasaforte në Vilëbashtovë, dhe për episode të kryera ndër vite prej të akuzuarve.

Gjatë dëshmisë i penduari u ndërpre nga ish-shokët e grupit të cilët janë para drejtësisë sipas dosjes së pagëzuar “Plumbi i artë”, i cili për llogari të drejtësisë goditi 18 persona.