“Të mallkojnë nga mëngjesi në darkë”/ Rama: Jemi të parët në rajon për…

Në këtë ngjarje, kreu i qeverisë Edi Rama,i cili u shpreh se “Plug and Play” është një platformë globale që ka nxjerrë shumë kolosë të teknologjisë digjitale, duke shtuar se do të shërbejë si një portë e hapur për të gjithë të rinjtë shqiptarë dhe të Ballkanit që duan të përfitojnë nga mundësitë në botën digjitale.

“Këtu, nuk ka rëndësi se ku je, kush je, ose çfarë ngjyre ka lëkura jote. Edhe nëse e mallkon Zotin nga mëngjesi deri në darkë, nuk ka problem! Ajo që ka rëndësi është çfarë fantazie dhe aftësie ke për t’u dalluar nga të tjerët”, u shpreh Rama.

Më tej, ai theksoi se ky është një hap i madh në transformimin rrënjësor të Shqipërisë. “Po ngjitemi në Shqipërinë e 2030 dhe është e bukur ndjesia që mund të vazhdoj të numëroj në një fushë ku ne ishim më mbrapa nga të gjithë,” tha Rama.

Ai gjithashtu përmendi se Shqipëria tani ofron 95% të shërbimeve publike online, duke bërë një krahasim me të kaluarën kur shërbimet ishin të pakta. “E kemi nisur nga bishti me një numër qesharak shërbimesh, por tani kemi kryer 45 milionë shërbime! Ky është një transformim rrënjësor,” përfundoi ai.