Tension pas raportit të papunësisë/ Presidenti Trump shkarkon Shefen e Statistikave Ekonomike në SHBA

Presidenti Donald Trump shkarkon kreun e degës statistikore të Departamentit të Punës, pasi raporti i fundit mujor i punësimit doli shumë më poshtë pritshmërive.

“I kam udhëzuar ekipit tim që ta shkarkojë këtë të emëruar politike të Bidenit, menjwherw”, shkroi Trump në një postim në rrjetet sociale.

Shkarkimi i Komisioneres së Byrosë së Statistikave të Punës, Erika McEntarfer, erdhi pasi Trump përsëriti akuzat e mëparshme se BLS publikoi fshehurazi shifra tepër optimiste të vendeve të punës në fund të administratës Biden, të cilat u rishikuan në një përpjekje për të ndikuar në zgjedhje. Ekonomistët i kanë hedhur poshtë kategorikisht këto pretendime si një keqkuptim të proceseve të rishikimit të agjencisë.

BLS prodhon disa nga statistikat ekonomike më të ndjekura nga afër në vend, të tilla si raportet mujore të punësimit dhe inflacionit, të cilat zënë një vend të spikatur në vlerësimin e ekonomisë nga Rezerva Federale. Këto raporte janë gjithashtu kritike për bizneset kur ato zhvillojnë plane investimi dhe punësimi.

“Numra të rëndësishëm si ky duhet të jenë të drejtë dhe të saktë, ato nuk mund të manipulohen për qëllime politike”, shkroi Trump.

“McEntarfer tha se u shtuan vetëm 73,000 vende pune (një tronditje!), por, më e rëndësishmja, se ata bënë një gabim të madh, 258,000 vende pune më pak, në dy muajt e mëparshëm”.

Sekretarja e Punës Lori Chavez-DeRemer tha se mbështet vendimin e Trump dhe se Zëvendës Komisioneri William Wiatrowski do të marrë përsipër detyrën si zëvendëskomisioner. Wiatrowski e ka mbajtur dy herë titullin e ushtruesit të detyrës, përfshirë për më shumë se dy vjet në fillim të mandatit të parë të Trump.

Lajmi për lëvizjen e Trump kundër kreut të BLS shtoi ankthin në tregje, të cilat ishin tashmë në rënie ndërsa investitorët përpunuan regjimin e ri tarifor të Trump dhe raportin e dobët të vendeve të punës.

“Çfarë bën një udhëheqës i keq kur merr lajme të këqija? Qëllon lajmëtarin”, tha udhëheqësi i pakicës në Senat, Chuck Schumer, në sallë menjëherë pas postimit të Trump.