Tentoi të godiste Kurtin, kush është Mërgim Lushtaku

 Kryeministri Albin Kurti i cili po fliste nga foltorja e Kuvendit për marrëveshjen e planit të BE-së për të ulur tensionet në Veri, u sulmua sot nga deputetët e PDK-së.

Deputetja e PDK-së, Ganimete Musliu ngrihet nga vendi vendos në foltoren ku po fliste kryeministri një foto të tij ku shkruhej ‘Kurti si Pinok’.

Pas kësaj ndërhyn zëvendëskryeministri Besnik Bislimi i cili e largon fotografinë dhe e gris. Pak minuta më pas, ngrihet deputeti tjetër i PDK-së, Mërgim Lushtaku i cili afrohet dhe lag me ujë.

Deputetët dhe ministrat e tjera ‘turren’ drejt tij për ta ndaluar pasi siç tregojnë dhe pamjet, Lushtaku synonte ta godiste kryeministrin Kurti.

Por kush është Mërgim Lushtaku?   

Deputeti është djali i Sami Lushtakut, një zyrtari vendor dhe ish-komandant i UÇK-së. Lushtaku është parë në foto me kryeministrin Edi Rama. Në faqen zyrtare të PDK janë postuar njoftime për takime miqësore mes tyre.

Çfarë ndodhi në Kuvendin e Kosovës? 

Përplasje dhe tension në Kuvendin e Kosovës. Seanca nisi me reagimet e deputetëve të opozitës për publikimin e audi-përgjimeve të deputetes Mimoza-Kusari Lila dhe nënkryetarit të Listës Serbe Sllavko Simiç të cilët flasin për politikanin famëkeq serb Radoiçiç i shpallur non-grata nga amerika. Në foltore dhe karrigen e Kurtit, disa deputetë të opozitës kanë vendosur pankartat ‘Zdravo’ duke iu rreferuar skandalit të përgjimeve.Pasi kryeministri Albin Kurti mori fjalën në Kuvend duke folur për marrëveshjen me BE-në për të ulur tensionet, deputeti i Partisë Demokratike të Kosovës, Mërgim Lushtaku ka hedhur drejt tij ujë më shishe. Në këtë moment kanë ndërhyrë ministrat e kabinetit qeveritar, më pas situata ka dalë jashtë kontrollit./dosja.al