Tërmetet tragjike në Turqi e Siri, mbi 37 mijë të vdekur

Numri i të vdekurve nga tërmetet e javës së kaluar ka arritur në 37,000. Autoritetet turke kanë thënë se 31,643 persona janë vrarë në vend. Sipas të dhënave nga Kombet e Bashkuara dhe qeveria siriane, më shumë se 5,814 njerëz janë vrarë në Siri. Presidenti sirian Bashar al-Assad ka rënë dakord të lejojë OKB-në të dërgojë ndihma në pjesët e kontrolluara nga rebelët në veriperëndim të Sirisë përmes dy pikave të tjera kufitare nga Turqia.

Mrekulli nën rrënoja, shpëtohet pas 178 orësh 6-vjeçarja në Turqi! Kërkon ‘qumësht me luleshtrydhe dhe pastë’

Operacionet e shpëtimit kanë vazhduar një javë pasi tërmeteve të fuqishme goditën Turqinë juglindore dhe Sirinë.

Ministri turk i Shëndetësisë Fahrettin Koca shpërndau një video të një 6-vjeçarje, Hivay User me ekipet mjekësore, e cila u shpëtua pas 178 orësh në Adiyaman.

“Vajza jonë, Hivay, mbijetoi për 178 orë! Ka gjithmonë shpresë.”- shkroi ministri në Twitter.

Në video, Hivay User, e cili u shpëtua nga rrënojat e apartamentit Bozbey, u kërkoi ekipeve mjekësore “qumësht me luleshtrydhe dhe pastë”.