“Thikën e kisha rastësisht, jam gati të ballafaqohem me…

Është zbardhur dëshmia Axel Hoxhës, i cili u dorëzua dje në polici për vrasjen e Stiven Toshkëzit në kryeqytet. I riu është shprehur se tensioni mes palëve kishte nisur para katër muajsh, kur 20-vjeçari e kishte dhunuar pas një konflikti mes tyre.

Hoxha ka treguar para hetuesve se viktima e akuzonte se ai i ngacmonte të dashurën. Ai e ka mohuar këtë dhe është shprehur se “komunikimi dhe takimet me vajzën ishin të pashmangshme për arsye se ishin në të njëjtën klasë”.

18-vjeçari ka treguar se ka pasur një bisedë me Toshkëzin dhe e kishin lënë për tu takuar dhe u sqaruar në lidhje me konfliktet e mëparshme. Gjithsesi, ai është shprehur se në natën e krimit e ka parë rastësisht viktimën. “Qëllimi ka qenë të bisedonin”, tha ai duke pretenduar se viktima në atë moment ka nisur të flasë me tone të larta, gjë që sipas tij, ka agravuar situatën.

18-vjeçari pretendon se thikën e ka pasur rastësisht me vete. Gjithashtu ai është shprehur se shoku i tij, Ensi Maze, i arrestuar pas ngjarjes, nuk kishte lidhje me konfliktin dhe ka qenë rastësisht i pranishëm. 18-vjeçari dëshmoi se u largua nga vendi i ngjarjes pasi nuk ka menduar se Stiven Toshkëzi mund të kishte humbur jetën.

Ai mohon të ketë ngacmuar të dashurën e viktimës dhe ka kërkuar të përballet edhe me vajzën. Kjo e fundit, në dëshminë e dhënë për policinë, është shprehur se Axeli e shqetësonte në rrjetin social “Instagram”, mesazhe që janë parë edhe nga i dashuri i saj Stiven Tokshkëzi.

…

Gjykata ka dhënë masën e sigurisë “arrest me burg” për Ensi Mazen, për akuzën e vrasjes në bashkëpunim. Ensi Mazen së bashku me shokun e tij, Axel Hoxha i cili është ende në kërkim goditën për vdekje me thikë 20 vjeçarin, Stiven Toshkesi.