Majmuni modern dhe debati në Shqipëri

‘Ti je budalla – Jo, ti je budalla’

Ky është me pak fjalë thelbi i ‘debateve të mëdha’ që bëhen sot.

Kushtojini vëmendje…sa herë që flasim apo shprehim mendimin tonë, është dikush i gatshëm, i etur për të na fyer. Vrazhdësia në mediat sociale është tashmë një praktikë. Të paqytetëruarit dhe të vrazhdët janë gjithnjë e më të shumtë, por nuk e dinë se sjellja e tyre është tregues jo vetëm i injorancës, por edhe pranimi i heshtur i inferioritetit. Ata që ofendojnë në mënyrë të pandërgjegjshme pranojnë inferioritetin e tyre. Fyerja është një pranim i impotencës. Është paaftësia për të njohur aftësinë për të pohuar dhe demonstruar arsyet e tyre për aftësitë e tyre intelektuale.

Sigurisht, sot kemi pretendimin dhe iluzionin se jemi më të mirë, më të evoluar se popujt e tjerë, por në realitet ne praktikojmë vazhdimisht forma të dhunës dhe shtypjes reciproke. Në rrjetet sociale mbizotërojnë ofendimet që bashkëbiseduesit shkëmbejnë me njëri-tjetrin. Kohët e fundit është në modë në këto kanale të manifestohet epërsia intelektuale.

Kush shkruan dhe shprehet në këtë mënyrë as nuk e kupton, dhe kjo është vërtet tragjike, se ai vetë shpreh një injorancë të thellë, duke mos qenë në gjendje të argumentojë mendimin e tij. Por, qytetari i thjeshtë ndjek në fakt atë që vënë në skenë mediat dhe programet televizive – një majmun modern ku folësi duhet të tregojë “superioritetin” e tij duke bërtitur dhe ofenduar bashkëbiseduesin.

Çdo ditë shohim në skenë sjellje të tilla dëshpëruese: të rriturit dhe “ekspertët” që si fëmijët shajnë njëri-tjetrin sepse nuk kanë as aftësinë për të hedhur poshtë me qetësi kundërshtarin e tyre. Konfrontimi, debati duhet të jetë thelbi i demokracisë. Nëse publiku kënaqet kur sheh këto “pseudo debate” ku ‘konkurrohet’ vetëm se kush bërtet më fort, çfarë përfundimi mund të nxjerrim?