Tragjedi/ Autobusi me studentë përfshihet nga flakët, raportohet për 25 viktima

Një  aksident tragjik autobusi vrau të paktën 25 studentë  dhe la shumë të tjerë të plagosur pasditen e së martës. Aksidenti ka ndodhur të martën, më pas automjeti ka marrë flakë, duke pushtuar automjetin në të cilin  udhëtonin 44 nxënës dhe mësues  të një shkolle fillore. Sipas raportimeve, aksidenti ka ndodhur kur një gomë ka shpërthyer në autostradë teksa po ktheheshin nga një ekskursion shkollor.

Automjeti është përplasur me një pengesë, e cila ka ndezur depozitat e karburantit. Fotot tregojnë  autobusin e shkatërruar plotësisht nga zjarri  dhe trafikun e bllokuar ndërsa zjarrfikësit tentuan të shuanin zjarrin dhe të sillnin të sigurt personat në bord.

Kryeministri Paeongtarn Shinawatra tha se përplasja shkaktoi “vdekje dhe lëndime”, por nuk ishte në gjendje të konfirmonte numrin e saktë të viktimave. “Kam dëgjuar për zjarrin në një autobus që transportonte studentë nga Uthai Thani…  i cili shkaktoi vdekje dhe lëndime ,” shkroi Paetongtarn në X, dikur Twitter. Autobusi, me 42 studentë dhe disa mësues nga shkolla Wat Khao Phaya në Uthai Thani, ishte nisur për në Ayutthaya për një turne turistike kur njëra nga gomat e përparme shpërtheu.

Shpëtuesit nga Fondacioni Ruam Katanyu thanë se  të paktën 25 studentë humbën jetën  nga zjarri dhe shumë të tjerë u plagosën për shkak të nxehtësisë dhe flakëve të forta, pasi nuk u evakuuan në kohë. “Si nënë dëshiroj të shpreh ngushëllimet më të thella për familjet e të lënduarve dhe të ndjerit. Qeveria do të mbulojë të gjitha shpenzimet mjekësore dhe kompensimin për viktimat”, shtoi ai.

Ministri  i Transportit Suriya Jungrungreangkit tha se 25 njerëz vdiqën si pasojë e aksidentit dhe kryesisht zjarrit.  “Raportet fillestare thanë se në bord ndodheshin 44 persona, 38 studentë dhe gjashtë mësues. Me sa dimë tani,  tre mësues dhe 16 nxënës u larguan.  Për ata që ende janë të zhdukur, ne ende nuk kemi një ide të qartë,” u tha ai gazetarëve.