‘Trimërohet’ Maduro: Sulmi amerikan ndaj Venezuelës do të ishte fundi për presidentin Donald Trump

Presidenti i Venezuelës, Nicolás Maduro, ka deklaruar se çdo sulm “ushtarak” nga Shtetet e Bashkuara ndaj vendit të tij do të sillte “fundin politik” të Donald Trump.

Deklarata e tij u publikua nga agjencia e lajmeve Efe, pasi ish-presidenti amerikan përsëriti se nuk përjashton asnjë opsion lidhur me një ndërhyrje të mundshme në territorin venezuelian.

Maduro, duke folur gjatë programit të tij javor “Con Maduro+”, të transmetuar në kanalin shtetëror Venezolana de Televisión (VTV), tha se pavarësisht tensioneve, ai mbetet i gatshëm për dialog të drejtpërdrejtë me Trumpin.

“Jam i gatshëm të flas ballë për ballë. Kushdo që dëshiron dialog, do të gjejë tek ne njerëz të fjalës, të ndershëm dhe me përvojë për të udhëhequr Venezuelën,” u shpreh ai, duke theksuar se vendi nuk mund të lejojë që populli venezuelian të bombardohet dhe masakrohet.