Tritol banesës së shefit të Krimeve në Shkodër

Në orët e para të mëngjesit një sasi lëndë plasëse ka shpërthyer para banesës së shtetasit Pëllumb Shpati në lagjen Dobraç, me detyrë shef Seksioni për Hetimin e Krimeve, në komisariatin e Policisë Shkodër.

Si pasojë e këtij shpërthimi janë shkaktuar dëmtime në banesën e tij si edhe është dëmtuar automjeti i tij.

Grupi hetimor po punon për zbardhjen e ngjarjes dhe identifikimin e autorëve.

Njoftimi i policisë:

Shkodër/Informacion paraprak

Rreth orës 03:50, në lagjen Dobraç, ka shpërthyer një sasi lënde plasëse, përpara banesës së shtetasit P. Sh., me detyrë shef i Seksionit për Hetimin e Krimeve, në Komisariatin e Policisë Shkodër.

Grupi i posaçëm hetimor i ngritur për zbardhjen e kësaj ngjarjeje, nga veprimet e para hetimore, ka siguruar prova që do të çojnë në identifikimin dhe kapjen e autorit/ëve.

Nën drejtimin e Prokurorisë pranë Gjykatës së Rrethit Gjyqësor Shkodër, vijon puna për zbardhjen e rrethanave të kësaj ngjarjeje

…

Ky është Pëllumb Shpati, të cilit i vendosën tritol në banesën e tij në Shkodër. Ai është me detyrë shef i Seksionit për Hetimin e Krimeve në Komisariatin e Policisë Shkodër. Si pasojë e këtij shpërthimi janë shkaktuar dëmtime në banesë si dhe është dëmtuar automjeti i tij.

Policia bën me dije se ngjarja ka ndodhur rreth orës 03:50 në lagjen Dobraç. “Grupi i posaçëm hetimor i ngritur për zbardhjen e kësaj ngjarjeje, nga veprimet e para hetimore, ka siguruar prova që do të çojnë në identifikimin dhe kapjen e autorit/ëve.

Nën drejtimin e Prokurorisë pranë Gjykatës së Rrethit Gjyqësor Shkodër, vijon puna për zbardhjen e rrethanave të kësaj ngjarjeje.”, ka njoftuar policia.