Trump, tregtar i perlave/ NATO blen 2 miliardë dollarë armatime për Ukrainën nga SHBA-të

Sekretari i Përgjithshëm i NATO-s, Mark Rutte, deklaroi se vendet anëtare të Aleancës kanë blerë armë amerikane në vlerë prej 2 miliardë dollarësh për t’ia dërguar Ukrainës.
Sipas Rutte-s, vendimi vjen pas marrëveshjes me presidentin Donald Trump, i cili ka rinisur furnizimet me armë drejt Kievit, por këtë herë me koston që do të mbulohet nga aleatët e NATO-s.
Ky hap sinjalizon një ndryshim të qasjes amerikane ndaj luftës në Ukrainë, duke e zhvendosur barrën financiare te vendet evropiane, ndërsa Washingtoni fokusohet në koordinimin dhe prodhimin e armëve.

Burime diplomatike pranë NATO-s thanë se fondet do të përdoren kryesisht për blerjen e municioneve, raketave mbrojtëse dhe pajisjeve për mbrojtje ajrore, në përpjekje për të forcuar vijën e frontit në lindje të Ukrainës.
Rutte ka shprehur po ashtu mbështetje për thirrjen e presidentit amerikan Donald Trump që Ukraina dhe Rusia të ndalin luftime në vijën e frontit ku ndodhen aktualisht.