Turqia do të vendosë sisteme të mbrojtjes ajrore në Siri

Autoritetet turke janë vënë në lëvizje për të marrë kontrollin e bazës ajrore strategjike Tiyas (T4) të Sirisë pranë Palmyra-s, duke synuar ta kthejë atë në një qendër të mbrojtjes ajrore, raporton Middle East Eye.

Një sistem i mbrojtjes ajrore të tipit Hisar (me gjasë Hisar-O ose Hisar-U) do të vendoset për të mbrojtur bazën dhe për të vendosur dominimin e hapësirës ajrore, shton faqja e lajmeve.

Ankaraja planifikon një rrjet të shtresëzuar të mbrojtjes ajrore, duke përfshirë potencialisht Hisar-O+, Hisar-RF dhe sistemin Siper me rreze të gjatë, të gjitha të zhvilluara nga kompanitë Aselsan dhe Roketsan, vijon MEE-ja.

Turqia po konsideron gjithashtu vendosjen e përkohshme të S-400, në pritje të miratimit rus – duke shënuar atë që mund të jetë përdorimi i parë i sistemit jashtë shtetit.

Dronët me ISR dhe aftësi sulmi do të mbështesin rolet e mbikëqyrjes dhe mbrojtjes.

Strategjikisht, Turqia synon të pengojë sulmet ajrore izraelite, të vendoset kundër mbetjeve të ISIS-it në rajon dhe të zgjerojë gjurmën e saj ushtarake rajonale mes pranisë në rënie iraniane dhe ruse, ravijëzon Middle East Eye.