Turqit në Veri/ Eksperti tregon planet e fshehta të Vuçiç me Erdogan për Kosovën

Eksperti i sigurisë, Drizan Shala, foli në lidhje me situatën e tensionuar në veri të Kosovës, duke thënë se 700 pjesëtarët e NATO-së dhe të KFOR janë të komandës turke. Ai tha se kjo eshte realizuar me kërkesë të presidentit serb Aleksandër Vuçiç, ndaj homologut të tij turk, Rexhep Tajip Erdogan, ndërsa shtoi se mes tyre ka një marrëveshje të fshehtë.

Po ashtu ai tregoi se si do  të ndryshojë situata në Ballkanin Perëndimor, nëse më datë 28 qershor do të formohet një subjekt politik në Kosovë, Mal të Zi e Maqedoni

“Këtë radhë mund të kemi bllokim të njësive speciale në rast se kryeministri Kurti nuk do i tërheqë pjesëtarët e njësive speciale. Ata mund të kenë dy qëllime, qëllimi i parë do të jetë vazhdimi i mandatit, garantimi i sovranitetit territorial ose mund të jepet urdhri që policët e Kosovës të largohen nga komuna sepse Autoriteti i tyre është i pakontestueshëm” – deklaroi Shala, sipas te cilit “Plani C mund të jetë një statusko e krijuar, duke i dhënë fuqinë politike Eroganit përmes ushtrisë së tij”

“28 qershori do të jetë dita vendimtare se a do të formohet një subjekt politik në Kosovë, Mal të Zi e Maqedoni. Në rast se do të formohet partia në këtë ditë, mund të themi që është një ditë e ngjashme e asaj që Millosheviç beri rikthimin e botës serbe në rajonin e Ballkanit Perëndimor. E në këtë bazë, ndryshimet gjeostrategjike po i shtrojnë rrugën Vuçiçit për të shtyrë Ballkanin Perëndimor në regres politik”- theksoi Drizan Shala