U arrestua në Janinë, Laert Haxhiu kërkon të mos ekstradohet në Shqipëri

Laert Haxhiu i cili u arrestua në Janinë pak ditë më parë, dhe u la në burg me masën ‘arrest me burg’ për 40 ditë, do të dërgohet në burgun e sigurisë së Lartë në Koridhallos.

Sipas avokatit të tij, shkruan mediat greke, Haxhiu nuk i pranon akuzat për vrasjen në Lushnje në vitin 2017 që la dy të vdekur dhe dy të plagosur dhe nuk dëshiron të ekstradohet në autoritetet shqiptare, por kërkon të qëndrojë në Greqi.

Sipas informacioneve, autoritetet shqiptare pritet të kërkojnë menjëherë ekstradimin e tij në shtetin fqinj.

Çështja do të shkojë në Këshillin kompetent të Apelit për të vendosur pro ose kundër ekstradimit të tij dhe më pas në Gjykatën e Lartë.