U gjet me fraktura në kokë në Shëngjin, policia jep detaje për gjendjen e 22-vjeçarit

Një 22-vjeçar është gjetur me fraktura në kokë rreth orës 06:05 të mëngjesit të sotëm në afërsi të rrethrrotullimit të Shëngjinit. I riu me iniciale G. B., është transportuar në Spitalin e Traumës ku ndodhet në gjëndje të rëndë shëndetësore. Dyshohet se 22-vjeçari ka rënë aksidentalisht nga lartësia e një lokali në vendin ku është gjetur i dëmtuar.

Lezhë/Informacion paraprak

Rreth orës 06:05, salla operative e Policisë së Lezhës është njoftuar nga spitali rajonal i Lezhës, se në afërsi të rrethrrotullimit të Shëngjinit, është marrë me autoambulancë, i dëmtuar në kokë, shtetasi G. B., 22 vjeç.

Ky shtetas është transportuar në Spitalin e Traumës dhe është në gjëndje të rëndë shëndetësore.

Grupi hetimor po punon për të zbardhur dhe dokumentuar me prova ligjore rrethanat e kësaj ngjarjeje.